الهلال ما قد وقف ع مدرب واحد ،، ياما حقق بطولات مع عدهـ مدربين فـ أنا يصراحهـ ضد التقليل من

قدرهـ الهلال ع الحصول ع كأس آسيا دام سامي ماهو المدرب !!!

كلامي ما عني إنني مع رحيل سامي لا واللهـ كنت أتمنى بقائهـ وإعطائهـ فرصتهـ كاملهـ خصوصا بآسيا مثل
غيرهـ ،، وكنت أتمنى إنصافهـ بذكر جميع الإجابيات وليس السلبيات فقط !!
الهلال مع سامي الموسم اللي طاف ما خسر ولا مباراهـ من نفس الفريق فـ نفس البطولهـ ~
وفاز ع كل الأنديهـ ( يعني يـ يتعادل ويفوز ،، أو يخسر ويفوز ) وهذا دليل إنهـ يتعلم من الأخطاء ويتم تعديلها
فـ اللقاء التالي !!
وهذا اللي خلاني أتفائل بـ فوز الهلال بـ كأس آسيا ،، لكن قدر اللهـ وما شاء فعل ~
والهلال مع سامي لأول مرهـ بعد التوقيع مع ديجاو وكواكـ أشوف دفاع الهلال ما شاء اللهـ بهالقوهـ الدفاعيهـ !
وهجوم الهلال ما شاء اللهـ كان قوهـ لا يستهان فيها وبأي لحظهـ ممكن يقلب المباراهـ لصالحهـ ~

وبكل صراحهـ خبر إقالتهـ صدمني كثييير وما كنت متوقعتهـ نهائيا ،، لأن الرئيس تصريحاتهـ كانت جميعها
راضيهـ ع عمل وأداء الهلال مع سامي طول الموسم !!

ولكن بما إنهـ أقيل ،، خلاص الكلام بالماضي عبث ولا أعتقد أصلا حتى لو عرض ع سامي العودهـ لتدريب
الهلال يوافق لأن بعد كل اللي صار من أحداث وصمت رهيب ع هالكوارث التحكميهـ والإقالهـ المفاجئة وكبريائهـ
ما رح يسمح لهـ بالموافقهـ !!
وبشكل عام ما أتمناهـ يرجع للهلال بوجود هالإداراهـ لأنهـ هي السبب الرئيسي بخسارهـ الهلال لبطولتين ع الأقل الموسم اللي راح !
وهي من ظلمت سامي وما عطتهـ فرصتهـ كاملهـ بحجهـ إنها تحاول تمتص غضب الجماهير الهلال بسبب خسارهـ الهلال لجميع
بطولات الموسم الماضي ( والسبب صمتها ع المهازل وعدم تحركها بـ المطالبهـ بحقوق الهلال ) وهالموسم مع ريجي رح تكرر مهازل التحكيم
وصمت الإدراهـ مع إنها نهايهـ الموسم الماضي قالت إنها ما رح تسكت نهايئا هالموسم !!!
وريجي الآن انا عن نفسي ما رح أقول رأيهـ فيهـ إلى نهايهـ الموسم ،، وبشكل عام أتمنى الإستقرار ع مدرب
واحد لمدهـ موسمين بعدين يتم تقيمهـ !!!
ختاما :~ سامي راح بخيرهـ وشرهـ واللهـ يعطيهـ العافيهـ ع كل ما قدمهـ للهلال سواء عندما كان لاعب ولا مدرب
ولا إداري ،، وبالتوفيق للهلال سواء مع سامي ولا غيرهـ ،، شكرًا لكـ ~