بصراحة سالم لازم يعرف انه لاعب طرف يعني مهمته يخترق و يصنع الاهداف.. لعبه فردي و ما يفيد الفريق و بعدين نلوم الشمراني ليه ما يسجل .. ابحثوا عن من يصنع له اولا..

يا ليت سالم يرجع لمباريات يوسف الثنيان لما كان يلعب جناح ايمن مع الهلال و المنتخب قبل ان يتحول الى صانع لعب تحت المهاجمين او مهاجم ثاني.. اغلب الاهداف يصنعها يوسف .. يخترق و يستغل مهارته الفردية و يعرض كور انت و ضميرك للمهاجمين.. سالم كراته العرضية من جنبها.. و هذا عيب سالم و عيب الاظهرة ما فيه عرضيات زي الناس.. الى جانب سوء التصرف قدام المرمى.. استعجال و ربشة مال امها داعي..

قدام حارس سيدني الكرة اللي كملها سالم بعدما وقع العابد (ضربة الجزاء الاولى الغير محتسبة) راح يسددها بجسم الحارس.. كان ممكن يسحب الحارس و يكسب بلنتي (هذا اذا حسبها الحكم الغبي طبعا) او يعرضها.. و فرصة الفرج الشوط الثاني .. برضها يشوتها بجسم الحارس فوق.. العالم و الناس صار لهم اسابيع قبل المباراة يقولون ما فيه حل مع حارس سيدني الا الكرات الارضية .. و الاخوان تشويت بجسمه.. استعجال و قلة دبرة من لاعبين الاطراف و الاظهرة عندنا.. يبي لهم شغل كبير مو بس سالم ..