بيض الله وجهك اخوي ماقصرت عزالله انك تحمس المدرج كله ان شاالله
لكن هناك شي الامر كما قال اخونا هلالي بامر ملكي لايوجد تنسيق
بين الرابطة والجمهور اللي في الواجهه اتكلم عن استاد الملك فهد
ولا تتوقع ان يتحرك الجمهور جمهور الرياض جامد خامل ينفجر لحظة تسجيل
الهدف ثم يغط في سبات عميق هكذا هو دائما يحضر ليتفرج لا يحضر ليشجع
انا اكلمك من واقع تجربه الرابطه تغرد لحالها والواجهه لحالها
انا حضرت مرات كثيرة في الاستاد وفي الملز والله مانسمع الرابطة ولاندري وشتقول
والله انا في وادي والرابطة في وادي ولا يوجد اي تعاون الا فيما ندر
ممكن عشر دقائق او ربع ساعة من وقت المباراة غيره سكووووووت
وحتى لا اكون قاسي على الجمهور احيانا تسمع كلمة هلال،هلال،هلال،هلال
ثم تعود موجة السكوووووووووت ثم بعد مدة تسمع ياهلال عزك عزنا ياهلال
ليس هناك استمرارية في التشجيع اطلاقا
ياخوي خلوا الرابطة تجي معنا في الواجهه لاتروح هناااااك بعييييد جنب الدرجه الاولى
يالله نشوووفهم ولانسمعهم خلوهم يجون معنا يحمسوونا
جمهور الرياض كعادته لايتحرك كثيرا يفضل المتابعة بصمت من المدرج
واذا سجل الهلال هدف انفجر لدقائق معدوودة ثم عااود الخمووول
اقول ربما ربما يتحرك في النهائي من يدري