مشكلة الأطقم الرياضية عند الأندية السعودية بشكل عام إنك تشوفها تحس إنه الأندية أندية حواري ..
و على وقت الحواري والله كانت أطقمنا مرتبة و مفصلة تحس فريقنا أوروبي مهب سعودي

أنا ما أدري متى المسؤولين السعوديين يقتنعون إنك إذا تبي دوري ناجح و يجذب الناس تشوفه إنه لازم يغطي الأشياء الدقيقة هذي ..
الملاعب .. أطقم الأندية .. أسماء اللاعبين بقمصان الأندية .. الأرقام تكون مطبوعة بشكل احترافي مهب شغل البطحاء ..
والأهم .. الاعلان على قميص النادي .. ياخي بعض الاعلانات جايب لك قماش و مخيطة بالغصب على الفنيلة ..

والله أشياء بسيطة بس تعطي الدوري نكهة عالمية .. ولازم رئيس الاتحاد السعودي يلزم الاندية بالاحترافية بمثل هالامور

ولا أقصد الإهانة والله و كل الفرق على عيني وراسي .. بس شف اندية مثل العروبة او نجران و غيرها .. بالله نادي ما يقدر يدفع مبلغ 50 ألف ريال بالسنة على ملابس عليها العلم ؟! ..


شوفوا دوريات شمال افريقيا .. مع ان انديتهم اقل قدرة مالية من انديتنا .. الا ان اطقمهم تحسسك انك تتابع دوري أوروبي

خذ لك أمثلة بسيطة على ترتيب الطقم والإعلانات عليه ..

1- الترجي التونسي



2- الصفاقسي التونسي



3- الرجاء المغربي



4- الوداد المغربي




-------------------------


هذي فقط أمثلة لأندية ماعندنا المادة مثل اللي عند انديتنا ..الا انها احترافية .. و ارجع لأطقم الأندية عندنا ..