قد يعترض البعض على ردي .. و آسف لو كان الرد بعيد عن الرياضة ..

لكن والذي لا إله إلا هو الزمان تغيّر .. بيقول البعض الدين لم يتغيّر .. وهذا صحيح .. الدين ثابت و القواعد ثابتة ..

لكن مثل ما قال أحد الأخوان .. الحجاب مايجب إنه يكون ملزم على الأجانب .. فقط العباية تستر فيه جسمها ..

وللأسف في هالزمن الحجاب صار ماله فايدة .. تلقى الوحدة لابسة حجاب كامل .. وهي الله بالخير داخلياً ..

خذ لك فرة على اليوتيوب أو الكيك و غيرهن .. أقسم بالله أفشل إن عندنا عيّنات بهالشكل .. وكثيرة مهب شويّة ..

الأجنبي يجي للبلد مسلوب من حريّته الدينية .. وحنا نروح لبلدانهم نتمتع بكامل الصلاحيات الدينية ..

انتقل الإعجاب من ناحية الأجانب بالدين الإسلامي السمح .. إلى خوف و بعضهم استغل هالقواعد علشان يعطي انبطاع سيء عن الدين ..

في مواضع كثيرة في القرآن و هي مواضع صريحة .. أمّن الشرع الإسلامي حريّة اختيار الدين لكل إنسان ..

قال تعالى (لا إكراه في الدين قد تبين الرشد من الغي )
(وهديناه النجدين )
(لا إكراه في الدين )
( إنك لا تهدي من أحببت )
( لكم دينكم و لي دين)

- كتب عمر بن الخطاب –رضي الله عنه – لأهل إيلياء –القدس- معاهدة جاء فيها : (( هذا ما أعطاه عمر أمير المؤمنين ، أهل ايلياء من الأمان ،أعطاهم أمانا على أنفسهم ،و لكنائسهم و صلبانهم ،،، لا تسكن كنائسهم ولا تهدم و لا ينتقص منها و لا من غيرها و لا من صلبهم، و لا يكرهون على دينهم ،و لا يضار أحد منهم )) و ها هم علماء أوروبا اليوم ،يشهدون لسماحة الإسلام ،و يقرون له بذلك في كتبهم .قال ((ميشود )) في كتابه (تاريخ الحروب الصليبية ) : (( إن الإسلام الذي أمر بالجهاد ،متسامح نحو أتباع الأديان الأخرى و هو قد أعفى البطاركة و الرهبان و خدمهم من الضرائب،و قد حرم قتل الرهبان –على الخصوص – لعكوفهم على العبادات، ولم يمس عمر بن الخطاب النصارى بسوء حين فتح القدس، وقد ذبح الصليبيون المسلمين و حرقوا اليهود عندما دخلوها )) أي مدينة القدس.

بالله عليكم .. اللي قريته الحين .. هل يسعدك كمسلم و يشرّفك .. أو يسعدك ويشرّفك التشدد اللي الحين حاصل واستغلال اسم الدين بشكل غبي يشوّه الدين مثل اللي شفناه من زوجة هالمدرّب .. جاها أم الركب وصوّرت بالحجاب .. كله عشان تحس بالأمان ..

الإسلام ورب الكعبة نزل يسر وليس عسر ..

ولا أفتي من راسي .. بس رب العباد نزّل هالقرآن و في كثير من آياته خاطب االبشر بذوي العقول و أولي الألباب .. ليتفكر الشخص ..

مهب تقل آلة يمشي ومبرمج نفسه ..

خل الأجنبي يحس بسماحة الدين .. ويعرف إن الدين يكفل له حريته و حرية غيره ..

اما تجي للأجنبي وتقوله من هالحين أقولك أنت بالنار منتهين منك .. وإلا تجي له وتقوله ياغبي أنت ديانتك كله غلط بغلط خلك مسلم ..

ياشيخ مايسلم لو ينزل عليه الوحي كله عناد من سوء الأسلوب ..


أنت مسلم و انا مسلم .. خلك واجهة مشرفة لدينك .. حبب الناس بالدين .. إن ما أسلم أقل شيء بيعطي انبطاع زين لشعبه و مجتمعه عن سماحة الدين وماتدري يمكن يدخل ناس الإسلام بسببك ..



أما مرضى العقول سووها قبل مع رادوي ثم نيفيز .. والحين مع هالمدرب ..