| أشكرك ياصاحب الموضوع على حرصك على الكيان لكن بكل صراحه
اللي قاعد اشوفه الجدول ممتاز جداً للهلال من ناحية المباريات مافيه مباريات قوية تلعب كلها ورى بعض يعني تلعب مع فريقين ضعاف بعدها فريق قوي ونرجع لنفس الموال ، يعني شي ممتاز جداً
اما من ناحية ان الهلال يلعب قبل النصر ع العكس هذي من مصلحة الهلال كل فوز راح يسبب ضغط على النصر ،
بجميع دول العالم اللي اعرفه ان المنافس اذا لعب قبلك بالغالب راح يكون الضغط عليك الآ بالسعودية عاكسين الموضوع ماادري ليش ، اللي تابع الدوري الإسباني الموسم هذا بيعرف كيف الضغط اللي صار على ريال مدريد حتى مع تعادل اتلتيكو وهزائم برشلونة لأنهم يلعبون بضغط كبير اذا فازوا بيتصدرون علشان كذا كانوا يبون التقدم بااسرع وقت وهذا ماتسبب لهم مشاكل دفاعية بسبب تقدم الدفاع واهداف بالجمله في اخر الدوري ،
بعدين بكل صراحه صارلنا سنين وحنا نشوف جدول الدوري وكان في بعض المواسم ظلم واضح للهلال ومع هذا كنا ساكتين لأننا نعرف ان فريقنا راح يفوز ، مسألة اننا بنحتج والا ندور اعذار على ايش .؟ على ان مبارياتنا قبل مباريات النصر بصراحه هالشي مو من عادات الهلاليين . طيب الحين حتى النصراويين بيقولون ليش الهلال يلعب قبلنا كذا فيه ظلم وبيصير ضغط على نادينا .؟
حبايبي من وجهة نظري الجدول ممتاز جداً جداً جداً للهلال راحه في المباريات ولعب قبل المنافسين شي ممتاز جداً
ومافيه اي عذر للآعبين ولا للإدارة ،
وفي الأخير هذي وجهة نظري ودائما مايكون فيه اختلاف في وجهات النظر لكننا نتفق على حب ( الزعيم )  | 