السلام عليكم

مساكم الله بالخير جميع ياغالين, طمنونا عنكم ..

الليقا هالسنه وضعه مزري وبرشلونة أزرى, للأسف ما أشوف أي جدية من اللعيبة لا كبار ولا صغار ولا الخبره , مادري وش علتهم موب معقول كل هذا علشان كاس العالم لاعادت عليه, لكن بصراحة أول مره أتفائل بمباراة زي مباراة النهائي قدام الأتلتكو, حاس اللعيبه فعلا يبغون البطوله, يمكن علشان اللاعبين الي بيتركون النادي زي بويول وفالديز او علشان تيتو, لكن الوكاد بإذن الله ان البطولة برشلونية بحيل اللي ماتنام عينه ..

لكن الأهم, والأهم ثم الأهم .. تاتا السبيكه لا يدخل لي بتشكيلة مثل نظارته الغبيه, عن نفسي أشوف لو يريح سانشيز ويلعبه عقب تبديلين هو وفابري, بيدرو يمين مكان سانشيز واينيستا مع تشافي وبوسكيت خلفهم, وخط الظهر عاد بلا برابيس حط ماسكي وبيكي جميع مع ألبا وألفيس .. بعد كذا اعمل التغييرات اللازمه ومنها سانشيز وفابري أهم شي يدخلون يعملون صحوة للفريق "المفروض"


بالتوفيق لبرشلونة وبإذن الله نبارك لكم البطولة يوم السبت ..


* الا وش السالفة منب أشوف روابط الفرق!؟ مافيه الا اربع مدري خمس روابط؟ والمنتدى مافيه الا كم موضوع؟ وش الوضع بالضبط؟