| فالديفيا :
أول شي هاردلك على الخسارة لكن خسارة تأهل ما تخليك تنسف أو تمسح تاريخ المدرب ومجهوده لدرجة انه فوز فريقك بالبوندسليغا في وقت قياسي وتاريخي تعتبر مسألة حظ ولا غيره ..
الغريب في الموضوع وهذا الكلام ماهو موجه لك شخصيا ولكن بشكل عام ، انه كل هذا الهجوم على جوارديولا وفلسفته في الاستحواذ على الكورة من الإعلام والجماهير وكأنها هي السبب الرئيسي في خروج البايرن والواقع انه غير صحيح ... مشكلة البايرن في المباراتين هي افتقاد النجاعة والفعالية الهجومية يعني لو ترجع لإحصائيات مباراة الاياب كمثال البايرن سدد 4 كرات على المرمى بدون هدف ، والريال سدد 5 كرات سجل منها 4 أهداف ... الشيء الثاني انت خسرت المباراة وصعبت الأمور بهدفين سريعين من كرات ثابتة وش علاقة الاستحواذ وفلسفة المدرب فيها !!!! يعني اذا انا ادرب فريق بقيمة البايرن وحامل اللقب وعندي دفاع ما يعرف يغطي مان تو مان ويجتمعون كلهم على رونالدو ويتركون البقية ومحتاجين لتوجيه في هالشيء مع انهم يلعبون مع بعض من فترة طويلة فهذي كارثة ... أنا أدرب فريق بحجم البايرن ماهو فريق مبتدي أو صاعد اعلمهم ابجديات الكورة ..
كلامي هذا ماهو مجرد دفاع عن ( الكاتالوني ) جوارديولا وأنا قلت بعد المباراة إنه أخطأ بعدم اشراك لاعب مثل مارتينيز ، لكن انا ضد تحميل المدرب وفلسفته أو طريقته كل المسؤولية ونسيان الدور الكبير للاعبين وغيابهم عن تقديم أي مستوى بداية من الحارس نوير ونهاية بالمهاجم اللي كان داخل علشان يضارب مانزوكيتش ... مع عدم اغفال او انتقاص المباراة الكبيرة اللي قدمها الريال والانضباط العالي الدفاعي اللي كان عند لاعبي المدرب انشيلوتي ..
يعني لو اعمل مقارنة لما حصل مع البايرن بالشيء اللي حصل مع تشيلسي وخروجه ضد اتلتيكو مدريد ... نعرف فلسفة مورينيو الشبيهة بطريقة انشيلوتي وهي تأمين الدفاع واللعب على الهجمات المرتدة السريعة ... في مباراة الاتلتي الاياب ما كان أحد يتوقع انه يشاهد دفاع تشيلسي بهذه الهشاشة والضعف وأخطاء بدائية ساهمت في 3 أهداف كان ممكن تكون أكثر مع انه قبلها بـ 72 ساعة قدم مباراة مثالية بدون أخطاء ضد متصدر البريمير ليغ ليفربول وفاز في المباراة .. هل نحمل المسؤولية للمدرب مورينيو مع اني دائما ضد طريقته وكتبتها في استديو البريمير ليغ اكثر من مرة انه فلسفته فيها تحجيم لقوة فريقه الهجومية لكن هذا أسلوبه وطريقته واللاعبون فشلوا في تطبيقها في مباراة حاسمة تماما مثل ماحصل مع بيب . | 