مبروك الفوز والتاهل للنهائي اللي انتضرناه كثيير ،، بالامس الكل كانو ابطال ،، من جهاز فني جهز اللاعبين ذهنيا وبدنيا وتكتيكيا ،، من ادارة دعمت كل لاعب وحفزته ،، ومن كل لاعب اللي اعطانا 100٪ من مستواه الحقيقي

التقييم كان ضالم بصراحة ،، كل لاعب يستاهل 10/10 ،، واذا مره كان داج فا اشوف 9 اقل شي ممكن ،، يعني ممكن الونسو اعطيه 9 لان تدخله ما كان بوقته ،، صحيح القرار كان قاسي ،، بس والله يا اني منغببببن ،، عموما ،، ماشالله عيني على الفريق بارده ولا خطأ شفناه بالمباراة ،، على اننا نلعب تحت ضغط عاااااالي جدا ،، الا ان اللاعبين كانو قدها وطلعو بدون تلقي اي هدف ،، شي ما عرفناه من عمرر طويل مع الريال ،، الريال اللي كان ادج فريق دفاعيا تطلع من مباراة البايرن بدون تلقي اي هدف لا رايح ولا جاي ،، صلو على النبي بس

والشي اللي فعلا يشكر عليه انشيلوتي هو تحضير الفريق بدنيا وذهنيا ،، ما عاد صرنا نشوف اخطاء بدائية او غبيه من اللاعبين ،، ماعاد صار فيه تسرع في صناعة اللعب او التمرير ،، ما عاد صار فيه تمرد او ثقه زايده عن حدها من راموس ،، ماعاد صار فيه تدخلاات عنيفه من بيبي ،، ما عاد صار اللاعب يلعب وهو متنرفز او مرتبك ،، امس اللاعبين يلعبون وكانهم في مدريد ،، تحسهم داخلين بثقه ،، لا جحيم ميونيخ ولا غيره هزهم اللي يعجبني في الريال هو حالتهم الذهنيه ،، مركزين و يلعبون لعب طولي ،، يعني مافيه فلسفه ولعب عرضي ماياكل عيش ،، خلاص امسك كورتك توجه للمرمى سجل وبعدها عط الكوره للمنافس واضغط عليه ،، يا سلااام عليكم

خطة 4-4-2 ممتازه جدا ،، وتنفع الريال كثير ،، في الحاله الدفاعيه انت مقفل مناطقك بشكل محكم ،، مأمن وسطك بوجود مودريتش + الونسو كمحاور ارتكاز ،، اطرافك اليمين واليسار عندك دي ماريا وبايل اللي يساندون الاظهره كوينتراو + كارفخال ،، كريس يكون راس المثلث مع الونسو ومودريتش ،، يوم ما تلعب المرتدات -او- تبي تهاجم بهجمات منظمه تلقائيا تتحول ل 4-3-3 ،، بحيث ان بايل يصعد مع كريس وبنزيما ،، في وقت بنزيما عند السنتر ،، ولو تلاحظون كل المرتدات التمرير تطلع من بنزيما ،، هو تقريبا محطوط لسحب عمق الدفاع واعطاء كريس وبايل الحريه في التحرك ،، والدعم يجي من الخلف يا عن طريق مودريتش او دي ماريا

نقطه اخيره ابي اتكلم عليها هي ان اللي عمله انشيلوتي شي خارق عن العاده ليه ؟؟ ،، لان الاخ مورينيو في 3 مواسم ماقدر يفوز على فريق الماني + ماقدر على بيب + ماقدر يوصل للنهائي ،،على عكس انشيلوتي اللي بظرف اسبوع اخذ بيب رايح جاي ،، كرمه في مدريد وما لزخه بال 5 ،، طول باله للرجعه (كيف الهياط بس ) ،، اكل الالمان واحد واحد ،، بايررن (الاول) - دورتموند (الثاني) - شالكه (الثالث) ،، والاهم من هذا كله هو وصوله لنهائي التشامبينز الشي اللي عجز عليه مورينيو مع الريال ،، اذا حقق لنا التشامبينز بيكون اسطوره من اساطير مدربين كورة القدم ،، من اول موسم ماشالله قربت لتحقيق الشي اللي كان صعب ومستحيل لكثيييير من المدربين

اهم شي الليله اتلتيك يتاهل خوفي من مورينيو والله ،، لان الخبيث هذا عارف نقاط ضعفنا ،، على كثر ما احبك يا مورينيو الا اتمنى لك ولفريقك هزيمة طول وعرض

موفقين