صفقة الكسار كان من المفترض هي اللي تكون الأساسية .. مهب صفقة الجبرين ..

الهلال حاجته للحراسة أكبر من أي مركز ثاني حالياً ..

السديري بطل في آخر المباريات .. لكن السديري فيه عيب إذا شفت حارس فيه هالعيب خلاص شله من حساباتك ..

العيب يا طويل العمر إنه يبلّم .. يفهي .. يتسمّر في مكانه .. في بعض الكور .. وتدخل عليه كور بسيطة بسبب التهنيق اللي جاه ..

يا كم كورة دخلت عليه وهو يتفرج حتى ما تابعها ..

أي حارس بالعالم من أساسياته تلقاه يتابع الكورة حتى وهي داخلة المرمى ولا فيه أمل يمسكها ..

أما السديري تلقاه ثابت مكانه يتابع الكورة .. وكانه يقول بينه وبين نفسه .. وش لي بالغثاء الكورة رايحة رايحة ..

هالنقطة كانت في حسن العتيبي .. ومن أول ظهور له في الهلال وأنا ملاحظ عليه هالكلام .. وقلته في كثير من ردودي في السنين اللي راحن ..

( مازلت اتذكر أكثر من كورة و أكثر من فاول للعتيبي تدخل عليه وهو ماتحرك من مكانه .. ونفس الحركة ترى بالسديري و العتيبي اللي هي يطلع من مرماه وكأنه مدافع خامس )

( يشارك السديري بهالميزة حارس النصر العنزي .. بالرغم من تميّزه في الحراسة الا انه تدخل عليه اهداف بنفس الطريقة وهو جالس مكانه + يطلع من مرماه كثير )

الكسار أولاً .. بعدين فكر في محور ..

ومحور يكون مثل كنو .. طويل القامة .. صلب .. قوي في الالتحامات و سريع .. والأهم يشوت من خارج المنطقة كحل من الحلول .. من نوعية اللاعبين اللي يجيك بدون ماتحس به ويسجل ..

أما الجبرين .. فوالله إن بنيته الجسمانية ماراح تساعدك خارجيا .. ويمكن تساعدك بالدوري السعودي بسبب ان اللاعبين مثله ..

لكن كنو هو اللي اعتبره خسارة كبيرة لو ما فاوضته الادارة ..


الفرج و كريري لسنتين قدام قادرين يغطون لك المحور ..


كاستيو لازم يروح بغض النظر عن مستواه كويس والا لأ .. ولازم يجي مهاجم ثاني مع ناصر .. لأن ناصر لاعب قوته و مهارته في انهاء الهجمة .. وتحتاج مهاجم ثاني يكمّل ناصر سواءا بالتسديد او التمركز او التحرّك و المهارة .. وهذا ماتتوفر في لاعبين سعوديين .. يبي لك مهاجم يا أوروبي يا برازيلي .. مع اني اتمنى لاعب من أوروبا كويس ورخيص .. خاصة للاعبين الاوكرانيين و الرومانيين ..