الف مبرووك الفوز ،، هذي المره الاولى اللي نطلع بفوز من مباراة الذهاب في ال 3 مواسم الاخيره ،، وبصراحة اخر بني ادم كان يتوقع هذا المستوى او النتيجة هو انا نجم المباراة بلا منازع هو كوينتيراو ماشالله عليه اللي سواه كان شي خرافي ،، وان شالله يكمل عليها بالاياب

الحمدلله على الفوز ،، صحيح 1-0 نتيجة تبقى ما تحسم شي ،، ولكن ،، هي بيد انشيلوتي (بعد الله) اذا لعبها صح ثم بيد اللاعبين انهم مايفرطون بالثقه المبالغ فيها ،، المباراة كمجمل ما كان فيها سلبيات ،، لكن اذا تبي تفوز على البايرن في ملعبه ارجع لسلبياتك وعدلها ،، ولا تتوقع ان البايرن بيلعب بنفس الاسلوب ،، انا تقريبا شبه متاكد ان بيب راح يبدا بطريقه مغااايره جدا ،، بيبدا المباراة ب يا مولر او قوتزه بدل رافينيا ،، وشفنا كيف يوم نزلو الاثنين كيف شكلو خطوره ،، فعلى انشيلوتي الحذر من هذي النقطه ،، وبرضو ،، اتوقع من بيب انه بيطالب لاعبيه بالتسديد من خارج المنطقه اكثر ،، خصوصا وانه عانى وواجه صعوبات من الاختراق من الاطراف ،، التسديد خارج المنطقه راح يكون واحد من اهمممم الحلول ،، برضو ،، بيب راح يبدا المباراة على اساس ان الريال بيبدا المباراة مدافع و بيقفل ملعبه ،، فلو نباغته بسيناريو غير متوقع ،، هاجم واضغط عليه ،، على الاقل اول 10 دقايق ،، امتص وقلل حماس لاعبي البايرن ،، لا تعطيهم فرصه ،، يعني لو نهاجم اول 10 دقايق ولو انكتب لنا فيها هدف <<< تخيلات واسعه ،، يصير بعدها نقفل ونلعب على المرتدات ،، الريال لو سجل هدف واحد فقط ،، معناها البايرن يحتاج الى 3 ،، ما اقول انها مستحيله عليهم ،، لكن بيلعبون لعب انتحاري بنشوف شوارع في دفاعهم

عموما ،، اهم النقاط الايجابيه بالمبارة هي:

- انضباط كل لاعب بالادوار اللي كلف فيها
- الونسو / راموس يلعبون الاياب ان شالله
- طلعنا بكلين شييت ،، شي مهم جدااااا في مثل هذي المراحل
- عودة كريس من الاصابه ،، وكان متوقع جدا انه ما يقدم مستوى كبير ،، بس في مباراة العودة ان شالله يكون جاهز 100٪
- الفوز على البرسا بالكاس ثم على البايرن في التشامبينز بيرفع المعنويات فووووق وهذا من حاله انه يعطي الفريق ثقه ولعب قتالي في مباراة الاياب


اللي على انشيلوتي الان انه يريح ( بيبي - كوينتراو - كارفخال - الونسو - مودريتش - دي ماريا) في مباراة الدوري ،، يعني بالعربي التشكيل الاساسي تقريبا صحيح الامل باقي في الدوري ،، لكن خلونا نمسك اللي باليد (التشامبينز) ولا ننتضر نتايج الانديه ،، لان الدوري تقريبا 90٪ للاتلتيك ،، لازم اللاعبين يروحون لميونيخ وهم توب التوب ،، معنويات وروح ولياقه وقتاليه ،، مالها داعي ضغط المبارايات ياثر عليهم ،، النقطه الايجابيه في مباراة الدوري انها ف ملعبنا ،، فا ان شالله ما نواجه اي مشاكل

لوبيز

مارسيلو - فاران - راموس - ناتشو

ايارا

ايسكو - كاسيميرو

كريس - بنزيما - بايل

هذي افضل تشكيله ممكنه من رايي ،، كريس وبايل لازم يلعبون 70 دقيقه على اقل تقدير ،، بحيث انهم يرجعون للفورما ،، الاثنين لعبو نصف مباراة تقريبا مع البايرن ،، فمباراة اوساسونا لازم يحضرون نفسهم فيها استعدادا للبايرن

موفقين