نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

مجنون الزعيم(9) · #1 22/04/2014, 01:26 AM

بسم الله الرحمن الرحيم,

أهلا اهلا ,,

يسعد صبآحكم ومسآكم على حسب قرائتك للموضوع
عمومآ باختصار [ السائق تحت التدريب ]

جبنا سواق لكنه متدرب يعني ماراح نحط هاللوحه

السواق هذا مفروض نجيبه من فتره لكن قناعات عند الوالده الله يحفظها مايحتاج وهيك اللحين جاء السواق وصار واحد من من اهل البيت

يعني انا ياللي كانوا يدلعوني ويتمصلحون معي ويجيبون لي كاس مويه ولا يشربون من الكاس قبل يجيبونه لي صارو يجيبون لي المويه في كاس جبن ويخب علي

واحيان في كاس عسل تشوفون لون العسل ناشب على
جنب الكاس كأنه موكا

خلاص انتهىآ زمني عآدي اتغدىآ رمانه كاني في الطايف واتعشى ملوخيه ,,

حتىآ الخدامه غارت منه

خدامتنا طبعا ماشاءلله تخلص في اليومين طبق بيض

من كثر ماتاكل بيض نبت ريش على وجهها

هالسواق هندي اسمه وسيم وين وسيم وين راح جيبو وسيم ودو اكله

من بومباي هندي برستيج يتكلم انجليزي وانا والله اعلم ان امي ناويه تدخل هالايام النيوهرايزن تتعلم الانجليزي

من بعد مانتغدىآ الكبسه والجريش والمكرونه صار اكلنا تكا وبرياني ودجاج هندي طلع فوق راسي حبحر [ فلفل ] ,,

لكن المصيبه الاعظم صار هالسواق مع الوالد يوديه للمؤسسه ويجيبه والاجتماعات واهلي حسوآ انه انسحب عليهم و مثل ماقالوا قديمك نديمك <~ ذاك اللي مكتوب بالكبريت

المهم رجعوآ لي يدلعوني وكل شي صايرا كاني وحده توها والده

كل شي اطلبه مٌجاب طالعا شهرزاد ويازين هالمشعل وش حليله

رايحجين قبل يومين لـ كارفور مقاضي وهيك ومعنا وسيم الاخ الجديد الهدف من كارفور عشانه هو بصراحه يتقضى ,

, شاهي ومدري وش المهم كلن راح بجهه قابلته عند قسم الخضار

مابقىى باميه ماخذاها ولا سفنديه الا كيسها ولا بردقانه الا جمعها

عموما ف النهايه جايتني غيره منه وما احط حرتي فيه الا ف المؤسسه اخليه يجيب شاهي ويهمز راسي و يوطي رجيلاتي واحيان يطقطق اصابعي

المهم احبكم

بالتوفيق لـ الملكي

meshal_s9@