إقتباس الرسالة الأصلية كتبت بواسطة مخاوي الحزن8 أولا أشكركم على التفاعل وإبداء وجهة نظركم ثانيا بالنسبه لطلب رابط للمصدر أتوقع أن الخبر كان منتشر في جميع المواقع الاجتماعيه والصحف الالكترونيه وأشرت لصحيفة الوطن التي نشرت الخبر وبالخط العريض . ثالثا تقولين أنك لو كنت أحدى بنات الراكبات في الباص لن ترضي أن يركب كم رجال عربي في الباص ؟؟ولا أعلم هل غير العربي يحل له ماحرم على العربي ؟! وكيف تبريرين بسمعة البنات رغم أن اللي حصل يؤكد أن البنات غير مهتمات بسمعتهن فصياحهم بصوت مرتفع وكشف الوجه لبعض منهم هل يدل على إهتمامهم بالسمعه !!! وأخيرا أتمنى عدم تصيد أخطاء اعضاء الهيئه وترك إنجازاتهم البطوليه سواء في كشف مئات من أوكار الدعاره والمخدرات وترويج المسكرات ومساعدة الفتيات وتخليصهم من ابتزاز الشباب والستر عليهم ولانقول سوى الله يهدي الجميع ويحفظ لنا شبابنا وفتياتنا من كل الشرور وأشكركم على تقبل الرأي مهما كان إختلافكم معه .

أولا : وأنا بعد أشكر ع تقبلك لنقاش واختلاف الرأي ~
ثانيا : اعترض ع عدم وضعك لرابط لعدة أسباب منها :
1)- انت نقلت خبر فالمطلوب وضع المصدر بغض النظر إذا هالخبر منتشر ولا لا ! لأنك تكلمت بلسان
الجريدة وحسستنا أنها متعمدة تشوه صورة رجل الهيئة ،،
فالمفروض تعض الرابط عشان حنا اللي نحكم إذا انت فاهمها صح ولا
غلط !
2)- بما إن عضو الهيئة صديقك شيء طبيعي بتوصف لنا اللي صار بطريقة طلعه مب غلطان !
ف عشان كذا لآزم نقرأ الخبر بحث تتضح الصوره لنا من جميع النواحي ،، ونقدر نقول رأينا بحيادية !
و أنا عن نفسي ماعرفت هالخبر غير منك الحين ،، لأني من زمان
ما استخدمت وسائل التواصل الاجتماعي !

ثالثا : كح كح في خطأ مطبعي ،، ما قصد كلمة عربيين ،، قصد غربيين !!
بس لأني داخلة من الجوال جبت العيد وصعب كثير أعدل شيء *~* فالسموحة ع الخطأ ،، وطبعا لا عربي ولا أجنبي أرضى أنه يركب البااااص !!
وبعدين آخوي أصابيعك ما هي سوا وليه الشر يعم والخير يخص ؟!
مثل ما في الباص بنات مب مهتمات ،، إكيد في غيرهم مهتمااات !! وش ذنبهم يتحملون أخطاء غيرهم ؟!
أما أخيرا ،، قلتها سابقا وأكررها الحين الهيئه لها إيجابيات كثيره ما شاء الله ولا أحد ينكرها ولكن
بالمقابل ( بعضهم وليس الجميع ) يستغل منصبه ويبالغ بعمله !!!
وهذه اللي ساهم بتشوه سمعتهم وزيادة المعارضين عليهم !
يجب محاسبة من يستغل منصبه بالتحكم بخلق الله ~
اللهم آمين ،، والله يعطيك العافية ،، بالتوفيق للجميع ~