صراحة ماهي غريبة يقدم الهلال مثل مستواه اللي شفناه اليوم قدام الأهلي الأماراتي
الهلال فريق منظم كل لاعب عارف دوره وفيه توازن بين الدفاع والهجوم
والحراسة كانت بأفضل حالاتها والسديري كان في يومه والهلال قدم اليوم مستوى خارق
ويستاهل الفوز ماهوالتعادل لكن خيرها بغيرها والجايات أحسن بإذن الله
لكن أنا بقول حاجة شايفها ومتابعها في الهلال من موسمين أوثلاثة
وهي إن الهلال يقدم مباراة جميلة وقوية لكن يغيب بعدها عدة مباريات لامستوى ولانتيجة
يعني مشكلة الهلال عدم ثبات الفريق على مستوى معين يحضرمباراة ويغيب أربع وهذي مشكلته
التعادل مريح ومنطقي حسب ضروف الهلال ومجريات المباراة ولكن الحسم في الرياض
نجوم المباراة محمد الشلهوب وعبدالله السديري وسالم الدوسري وياسرالشهراني والكعبي
وأقل اللاعبين مستوى سعود كريري لكراته المقطوعة وديقاو اللي تكررت أخطاءه في المباراة
من أجمل المباريات تكتيكيا للمدرب سامي الجابروكان الفريق يستحق الفوز ولكن الحمد لله |