إقتباس الرسالة الأصلية كتبت بواسطة يتسلى هذه المباراة الثانية من دون كريس ويهتز الفريق ، هذا ليس بسبب ثقل كريس فقط ، بل المؤشر الخطير أن الريـال بات يعتمد على كريس ، وحتى اللاعبين ثقتهم بأنفسهم من دون كريس مهزوزة .

ما اعتقد ان كريس له علاقه ،، كريس شارك ضد الانديه القوية او اللي الريال (عانى) فيها ،، ومع هذا ما كان له اي تاثير ،، الريال هالموسم شارك بالدوري بدون كريس 4 او 5 مرات مو متاكد بالضبط كم بس كلها كانت فوز وبنتايج كبيره ،، وجهة نظري هي ان الريال يعاني لبعض الاسباب ((في المبارايات الكبيره او الحاسمه))

اولها هو الاعتماد على الونسو بالمحور الدفاعي ،، تحط لاعب كبير بالعمر في هالمركز الحساس بيكلفك كثيييييير جدا ،،هذا المركز يبيلها واحد خفيفه حركته ،، صلب ،، قائد ،، يتمركز صح ،، هذي قد تكون بعضها في الونسو ،، لكن الونسو حاله من حال اي لاعب مستحيل يعطيك موسم كامل بنفس اللياقه ،، اللياقه في هذا الوقت الحساس راح تكون صفر ،، الارهاق واااااضح عليه ،، وازيد عليها ان الونسو في بعض الاحيان تكون مشكلته انه يمسك الكوره اكثر من اللازم ،، الخصم يقدر يسترجعها عن طريق قطع الكوره منه او يضغطون عليه ويمرر تمريره خاطئه وكثييييير صارت خصوصا مع البرسا ،، فا احنا نحتاج الى لاعب محد مختلف عليه اللي هو فيدال او بوقبا ،، واتوقع الاول اقرب للريال ،، وصدقوني لو كان عندنا بديل مناسب ل الونسو ما كان شفنا المهزله الحاليه اللي صايره


السبب الثاني هو ماعندك مدرب يشحن اللاعبين قبل المباراة ،، مدرب يجهز الفريق ذهنيا ،، هذي كانت احد واقوى ميزات مورينيو على وقته مع الريال ،، واللي افتقدناها كثير هالموسم ،، نااااادر ما اني اشوف الفريق داخل وكل لاعب يلعب بتركيز وحماس ،، لازم لاعبين او 3 يشطحون ،، انا طبعا اتكلم عن المبارايات الكبيره او المبارايات الحساسه خلونا من خيتافي وبيتيس وطقتهم


السبب الثالث هو عدم وجود دكة قوية بسبب الاصابات ،، بس عموما الموسم القادم لازم نركز على شغلتين ،، محور دفاعي + مهاجم ،، بعد ما نخلص هالصفقتين نجيب لاعبين يكونون راضين بالدكه ،، ما نجيب لاعب سوبر ،، لاعبين شباب بحجم خيسي / كاسيميرو / ناتشو / فاران .. الخ ،، لاعبين ممتازين وممكن يتطورون مع الوقت


السبب الرابع هو ان انشيلوتي يطالب اللاعبين بالاحتفاظ بالكوره بشكل مبالغ فيه ،، امسك كورتك في ملعب خصمك ،، موب تمسكها عند خط ال 18 !!!!! امس يدي على قلبي ،، الشباب مسوين في امها تيكي تاكا وبغو يجيبون العيد الا دقيقه وفي اكثر من مره !!!! تبون تطقطقون ؟؟ تبون تستحوذون ؟؟ اوكي رح استحوذ بس خلها في وسط الملعب على الاقل ،، نبي لعب منطقي وبدوووون اي فلللسفه ،، كوره في الدفاع ؟ خلص باي طريقه كانت ،، سواء تمرير (((((للامام)))) او تشتيت ،، شغل مناولات عرضيه هذي خلوها مع غرناطه وطقتها


الريال اللي يعيبه في بعض الاحيان الثقه الزايده في بعض لاعبيه ،، لان الثقه الزايده ممكن تكون ضدك ،، في وقت من الاوقات الريال كان يلعب باسلوب منطقي جدااااااا وممتع في نفس الوقت ،، ما كان فيه فلسفه زايده ،، على عكس اللي حاصل الان


موفقين