الفريق يحتاج انه يسد جميع الخانات اللي تعاني نقص من لاعبين اولمبيين ومحليين
وبعدها نشوف حاجة الفريق من اجانب, مو العكس
واعتقد اكثر المناطق اللي نعاني منها هي قلوب الدفاع وصناعة اللعب
صحيح ان عندنا نيفيز, لكن نيفيز صار مراقب من جميع الفرق وعلشان نفك الرقابة عنه نحتاج لصانع العاب بمستواه
والاسماء كثيرة بالبرازيل, واتمنى الثلاث الاسماء الاجنبية تكون برازيلية لعدة اسباب..
- اولاً اللاعب البرازيلي مهما كان مستواه ممتاز يروح للي يدفع اكثر حتى لو كان قادر انه يلعب باوربا ... واقرب مثال هولك البرازيلي
- ثانياً اللاعب البرازيلي مقاتل وغيور على الشعار واعتقد الكل يتذكر كماتشو.. تفاريس.. ويسلي.. اوزيا.. نيفيز .. وديقاو
وكيف يلعبون بحماس ووفاء وكانهم من ابناء النادي.. على عكس باقي الجنسيات ولنا باكستيلو مثال
شوفوا ردة فعله بعد هدف سلطان الدعيع -_-
https://www.youtube.com/watch?v=5FXGtwyJGRw
الكل راح يحتفل الا هو رجع لوسط الملعب مشي وببرودة كان الهدف جاي علينا ..
- ثالثا البرازيليين يعشقون كورة القدم قبل كل شي ويحترمون الرياضة
- رابعاً لما يكون عندنا 3 لاعبين اجانب من نفس الجنسية راح يكون التناغم افضل من ان يكون عندنا 4 لاعبين اجانب كل واحد جاي من قارة بالاضافة للمحليين والكل يتذكر يونغ بيونق سو اللي ما كان يدري وين الله حاطه
- خامساً واخيراً الجنسية البرازيلية اثبتت نجاحها اكثر من اي جنسية مرت على الهلال