-
انا عندي قناعة اذا تبي تشيل الدوري ، تعادل وانهزم قدام البيق فور ، م عندي مشكلة ، بس قدام الفرق الصغيرة لا تفرط باي نقطة ، لان هي بالاخير بتحدد مصيرك اذا بتاخذ الدوري ولا لا ، وش الفايدة تلزخ البيق فور رايح جاي وتخسر نقاط قدام فرق متوسطة ومتذيلة الدوري وتنزل كم مركز بسّلم الترتيب بسببهم ؟
مباراة البروميتش غلط فيها مورينهو ، اشوف انه مَ حسب حساب الارهاق اللي ممكن يداهم الفريق مع كثرة المباريات ، ومثل مَ شفنا كيف الفريق ظهر بشكل سيء جداً قدامهم ، خصوصاً اخر عشر دقايق شفنا تسحيب رجول بالملعب من الجميع تسبب بتسجيلهم هدف التعادل واللي للامانة كان متوقع .
مورينهو كان يمديه يتدارك هذا الشي ب اراحة كم عنصر ، كوّن انك تملك دكة ك اساسي وش يمنع انك تبدا فيهم في مباراة زي هذه ؟ واذا تاخرت بالنتجية استغيث بالقوة اللي بتكون عندك فالدكة ، ينزل ينهي لك المباراة ولا يكون من البداية طافي ولا يقدم لك شي !
الشي الكويس نتايج الفرق الثانية خدمتنا كثير ، تعادل الارسنال ، تاجيل مباراة الستي ، مَ زال الفريق متصدر وممكن يستغل الجولات الجاية بتعثر المنافسين ويبعد عنهم . عندك الارسنال داخل في مباريات قوية ومتوقع خسارته للنقاط ! م بيصفى لك الا الستي اللي بينشب لك ونتمنى تعثرهم باحد الجولات ، المهم انك من الجولة الجاية ورايح لا تخسر نقطة وحدة ، والعب المباراة كنك لاعب نهائي .
مباراتنا الجاية السبت بالكاس ضد الستي في الاتحاد
بعدها بنريّح للاسبوع اللي بعده ونرجع للدوري قبل دخولنا باول مبارياتنا بدور الـ 16 ف الابطال ضد الغلطة |