اللي يبي يترك شيء (برغبته) بيتركه من دون حاجة إنه يطلع شيء ثاني يلهيه عن الاول
تويتر وباء مع احترامي لكل من عنده حساب فيه وأولهم انا
والمشكلة صار فيه متاجرة بالدين وتطاول على الله وقذف والعريفي تاج راسك وكذا بدون أي حدود
وأوّل من كثر مافيه حدود ومنع تجاوزات وخطوط حمراء حتى الرسالة النصية ماكانت توصل كاملة
الواتس اب يضّحك والله
مثلا يصير فيه قروب فيه ثلاثه يروحون يسوون قروب فيه الاول مع الثاني
وقروب آخر فيه الثاني مع الثالث وقروب ثالث فيه الاول مع الثالث وهكذا من الشغل النفسي!
ولا يصير فيه قروب اسمه "الله لايفرقنا" وهم مايدانون بعض في عيشة الله
واللي قاهرني كثرة الاشاعات... بس اصبروا عليه كم سنة ويقولون فيه دراسة تقول ان المويا والخبر يجيبون الامراض الغريبة اللي مالها اسم الا بالواتس اب
أنا ولله الحمد للآن على الاشياء الجميلة مادامت جميلة وهادية مثل شبكة الزعيم
اهداء للي يسوي نفسه ثقل ومايسجل دخوله:
من راح من كيفه وكيفه يوديه
خله على كيفه وكيفه يجيبه
مشعل
شكرًا على الفرصة عشان نهرج كثير كذا
