الي اخبره ان جل الملعب راح يدفعه شخص اسمه سمو الامير فيصل والد رئيس الهلال


ما اظن ان سمو الامير فيصل هو والد الصويلح ولا الموري ولا العنبر

ما ادري وش تبي يسوون في هالفلوس ترى هاللاعبين محصلين خير كثير من الهلال وما يحلم حد في عمرهم يحصلونه

يعني انت قولتك نوزع هالعشرين مليون كل واحد منهم ياخذ خمسة مليون ؟؟؟؟؟

وما ادري ايش العلاقة بين ان يأتي ياسر وان يهمل الصويلح او العنبر او الموري

الي اخبره ان الكشوفات تتسع لاربعين لاعب وما راح تضيق بجية ياسر والي اعرفه ان الملعب يتسعب ل 11 لاعب وما اظن ياسر راح يقطع رزق احد والي اعرفه ان الجهاز الفني قادر على تدريب ما يقارب 20 لاعب دفعة واحدة


الهلال ليس محل تأهيل للاعبين هؤلاء اللاعبين جميعا سواء ياسر او غيره من الي ذكرتهم عند قدومهم راح يكون هناك جهاز فني وهو الادرى بامكانات كل لاعب ومقدرته على تقديم شيء للفريق

عموما ياسر الموسم القادم راح يكون مشغول مع سامي في المنتخب ويا دوب يشاركون بكم بماراة في الدوري وببطولة اسيا

والفرصة متاحة للموري والعنبر والصويلح وفيصل الجمعان لفرض نفسهم على المدرب

والي راح ينجح ويفرض نفسه راح نشجعه وراح ياخذ مكانه


يا اخي سامي الجابر لما طلع تدري كم كان عمره 19 سنة ومع ذلك فرض نفسه امام الاجانب وامام من سبقوه خبرة وتجربة

سامي ما احتاج ان يتم تصفية الخانة عشان يظهر

سامي وصل لما وصل اليه بعرق جبينه ومجهوده ورغبته وطموحاته


عفوا يا سادة ويا صويلح ويا عنبر ويا موري ويا ياسر

انتم في الهلال زعيم الاندية

وحتى تفوز بخانة كلاعب اساسي لازم تبذل مجهود

لا تنتظر مساعدة من احد بل ساعد نفسك بنفسك


حسين العلي ياما جلس يتبكى ويتشكى من ان المدربين يظلمونه وما يعطونه فرصة وطالب انه ينتقل ولما سمحت له الادارة الهلالية لقى نفسه احتياطي في الحزم


احمد ضاري نفس ا لشيء جلس يتشكى ويقول انا مظلوم في الهلال وراح الاهلي الي ما عنده اي حارس عليه القيمة ومع ذلك ما قدر يفرض نفسه ابدا


المدرب على قد مجهودك راح يعطيك لانه مثل ما انت تبي النجاح لنفسك هو بعد يبي النجاح ومن حقه يختار الافضل


وعلى فكرة اللاعبين الي انت تتكلم عنهم اعمارهم لا تتجاوز 18 سنة او اصغر


واثنين منهم قادمين من نوادي درجة اولى

صعب تحطهم في فوهة المدفع وتقول لهم سووا الي يسويه سامي او سدوا الخانة

بالعكس انت تدمرهم كذا


هم المستقبل امامهم عشان يطورون انفسهم ويصقلون موهبتهم بس الى ذلك الوقت الهلال بحاجة للاعب جاهز وما اشوف في السعودية لاعب يحمل هذه المواصفات غير ياسر القحطاني


المشكلة ان التشكيك هذا دائما ما تسمع فيه

واتذكر نفس التشكيك حصل لما كانت فيه صفقة للدعيع

والحين اتحدى حد يتكلم عن صفقة الدعيع واشوف ان الي اندفع للدعيع قليل جدا في حقه ويستاهل اكثر

ويكفي في ياسر طموحه لعمل شيء اضافة لموهبته الفكرية والفنية

الطموح + الموهبة + الذكاء + حب الجماهير وثقتهم + البعد عن الغرور = لاعب ناجح باذن الله


والمهاجم الناجح عملة نادرة واسئلوا ابراهيموفيتش كم عرض على شيفشنكو مع انه على مشارف الثلاثينات

في الختام ثق ان ياسر ما راح يضيع مستقبل حد

وان كل شي يصرف حسب الاصول

نعم لو كان من ميزانية النادي وراح تؤثر عليه كنت وافقتك

بس هذي هبات من اعضاء الشرف

وما اعتقد لو قلت لعضو شرف عطني خمسة مليون ابي اطور فيهم الصويلح والعنبر راح يوافق