[ مقتطفآت هلاليه ] ناصر الشمراني (c) + ياسر الشهراني ظهير يساااااااااااااار ....
بسم الله الرحمن الرحيم ~
السلام عليكم ورحمة الله وبركاته بعد ما هدأت الاوضاع بعد التعادل بطعم الفوز ضد الاتحاد
حبيت اقول هالكلام
كلنا شاف المباراة وشاف التخبط الفني الكبيروالمستوى السيء اللي ظهر عليه لاعبي الهلال
الهلال (ان) خسر الدوري فهو من اسقط نفسه بنفسه فلا يهزم الهلال الا الهلال
يا جماعه اللي صار في مباراة الاتحاد مايرضآه اي هلالي
اساسا كان المفروض نلعب ضد الاتحاد بالاولمبي ! علشان العدل وكذا
عندي كم نقطه وابي اقولها :
1/ كاستيلو : مستوى غريب عجيب في قلب الدفاع ! لاتقولي مو مركزه
والله لو ملعبينه جناح ايمن اللاعب كان وكأنه مغصوب يلعب ! الهدفين كلها احملها كاستيلو بنسبة 80%
في كل الهجمتين ما كان يلتحم او يضايق المهاجم الاتحادي او حتى يكلف نفسه ويركض
الرجال كان يمشي و(ينطط) ! انا صراحه اشك انه ( كنغر )
2/ سعود كريري : من افضل محاور الارتكاز في تاريخ الكره السعوديه
لكنه في الهدف الثاني مرر كره بعرض الملعب بطريقه بدائيه جدا جدا ولا تحصل حتى في حاره !
عالعموم سعود كان مشتت ذهنيا ولا ادري وش السبب صراحه
3/ ياسر الشهراني : ياسر ( ظهير ايسر ظهير ايسر ظهير ايسر ) ياسر فالظهير الايمن مايقدم 10% من مستواه فالظهير الايسر رغم اني ما الاحظ فرق بين ادوار الظهيرين
عالعموم جبت لكم هدفين ياسر الشهراني واتوقع ماله الا هالهدفين في تاريخه وكلها كانت من الظهير الايسر
هدف ياسر الشهراني - الهلال و التعاون دوري زين - YouTube
هدف ياسر الشهراني الرابع على جواتيمالا - YouTube
+
صاروخ ياسر الشهراني في مباراة الهلال والنصر | HD - YouTube
دايم خطورة ياسر فالجهه اليسرى
ياسر الشهراني مع القادسيه ظهير ايسر
ياسر الشهراني مع المنتخب الاولمبي ظهير ايسر
مع الهلال ظهير يمين وظهير يسار وجناح يمين وجناح يسار !!!
ثبتوه ظهير يسار واراهن انه بيكون افضل ظهير فالمملكه
4/ سالم الدوسري : من امهر لاعبي آسيا مو السعوديه وبس
سالم فيه الكثير من يوسف الثنيان !! مشكلة سالم هي توظيف مهارته في خدمة الفريق
لو عرف كيف يستفيد من مهارته في خدمة الفريق ذاك الوقت اقدر اقول عندنا ( سالم الثنيان )
5/ناصر الشمراني : بصراحه مدري وش اقول بس لو هي بيدي الكابتنيه ماتنزل من يدك
متأكد لو كان نصف لاعبي الهلال بحماس وروح ناصر لكوشنا على كل البطولات المحليه
6/ سلطان بن عبدالله الدعيع : ربما فخامة الاسم تكفي , استغربت من سامي انه ارسل الحافظ للاولمبي وضمك للفريق الاول بس صار فعلا الذيب ما يهرول عبث محسودين في سلطان صراحه
مباراة الاتحاد كان هو الوحيد اللي تقول انه مفتح وقاعد للعيبة الاتحاد
صعب جدا انك بهالعمر ومن الاولمبي وعلى طول اساسي ثابت فالفريق الاول
7/ سامي الجابر :
اعلم كمية الظغوط الهائله اللي تمر بها
ف والله لا احد منا يتمنى يكون مكان سامي
سامي في اول سنه تدريبيه يا جماعه ! مهو اسطورة تدريب
اتفق مع سامي في كون جميع الفرق تستأسد ضد الهلال , لاتقولي تبرير ومدري ايش
من متى والاتحاد يلعب بهالروح ! وهل كان الرائد ضد النصر بنفس مستواه ضد الهلال !! والقاعده تتكرر عالبقيه
لك الله يا سامي
--------------------------------------------------------------------
بعودة كواك والتعاقد مع ديجاآو
اتمنى تكون تشكيلة الهلال بهالصوره :
مخرج/
هناك مثل بريطاني قديم
يقول :
اذا مرض الحصان فلا تستغرب ان تكون البقره متصدرة السباق
كان معكم سعود التميمي
saud_tta@
.......
