إقتباس الرسالة الأصلية كتبت بواسطة هلاليه زي القمر اتفق معاك لكن على سامي تدارك الدفاع وتنظيمه صح انا ما اشوف الا ترقيع في الدفاع لاتنظيم ولا لاعبين موضفين في مراكزهم وبما ان دفاعك مضروب ما راح تنفعك قوتك الهجوميه لان الهدف سهل يجي لكن تعويض هدف في مرماك صعب وصعب جدا خاصه امام اندية الدفاع غير كذا هدف في مرماك يحبط الفريق ويشتت تركيزهم ويصيرون يبحثون عن الهدف بدون تركيز وهذا يتسبب بضياع فرص بالكوم زي ماصار امام النصر والرائد والعكس صحيح لما يصير الدفاع صلب ومتماسك ويسجل الفريق يصير فيه اريحيه اكبر وتركيز اكبر وبعدها شوف كم هدف يسجل فريقك يعطيك العافيه

انا كتبت موضوع وصلحت احصائية للدفاع والمحاور والوسط والهجوم
وصلحت مقارنة لهم من موسم 2005 الى موسم 2013
بس ما ادري ليه الادارة ما رفعت الموضوع
بس بعطيك زبدة الاحصائية
الهلال من موسم 2005 الى موسم 2010 كان يلعب بـ 3 صناع لعب قادرين انهم يخترقون ويفكون التكتلات الدفاعية
قادرين على التسديد من خارج المنطقة ولعب العرضيات والكور الثابته بكل اتقان قادرين على التسجيل والصناعه
ومنهم كامتشو صنع 12 وسجل 12 طارق التايب صنع 14 وسجل 12 نواف التمياط ويلهامسون محمد الشلهوب ونيفيز
صلحت مقارنة لـ اوزيا وتفاريس اوزيا اقل اخطاء ويقطع كور بشكل افضل واكثر
بس الهلال يعاني من مشكلة يعاني منها اي فريق بالعالم. الهجمات المردتدة
بس الفرق بالهلال ان الهجمات المرتدة كثيرة بكل مباراة 5 هجمات كحد ادنى
وغالباً تبدا الهجمة المرتدة من كورة خاطئة من لعبين الوسط. ولا هجمه الموسم هذا كانت تمريرة خاطئة من الدفاع الهلالي. هدفين من اصل 13 هدف سجلت والدفاع كان متراجع والرقم هذا ممتاز ويثبت ان الخلل مو من الدفاع
من اللاعبين الوسط الموجودين حالياً ما فيه الا نيفيز والشلهوب هم اللي يقدرون يلعبون كور عرضية وكور ثابته بشكل صحيح. هم الوحيدين اللي يقدرون يصنعون هجمات وهم اقل لاعبين الوسط تمريرات خاطئة
ومحمد الشلهوب بديل لنيفيز. يعني الهلال يلعب بصانع لعب اي لاعب يراقبه مراقبه لصيقة ينتهي الخطر الهلالي
زي ما صار بمباراة النصر