11/11/2013, 08:16 AM
|
 | مشرف منتدى الرياضة العربية والعالمية
رئيس رابطة تشيلسي | | تاريخ التسجيل: 23/02/2009
مشاركات: 2,075
| |
-
قبل كل شيء
متاكد مليون فالمية ان جاهزيته م توصل 20 فالمية مع ذلك نشوف مورينهو يصّر على اشراكه ، عكّ كبير يقدمه البرازيلي اخر 3 مباريات ولا تلومه بطبيعة الحال ، تتكلم عن لاعب تقريباً من بداية الموسم شارك في جميع مباريات الفريق 90 دقيقة كاملة! ولا ننسى ان جدول تشلسي من بدايته من ازحم الجدوال مقارنة بالفرق الاخرى ، اضف على ذلك مشاركته مع المنتخب .. الاعب محتاج للراحة اكثر من اي وقت مضى ، نشوفه في الملعب ضايع تايه مو عارف يلعب باص سليم .. ذهنياً انتهى ، اوسكار بدايته من لمسة من تسديدة يحسم لك مباراة .. الحالي يرفع ضغطك .. وارجع واقول بطبيعة الحال م الومه بكثر م الوم مورينهو اللي مصّر على اشراكه وعنده ماتا وبروين على الدكة .. المو يشوف فيه تكتيك معين وانه يقوم بكذا مهام بأرضية الملعب لكن نرجع شوي ونتذكر انه اشراكه بها المركز هدفه صناعة اللعب توقف شوي وتشوف اللي سواه اوسكار على مستوى صناعة اللعب؟ ولا شيء ، الاعب مشروع لاعب اسطوري لكن صعب انك تصقله بهذه الطريقة وبهذا العمر بالتحديد .. محتاج للتدرج ، نقطة ثانية اوسكار كمحور هجومي وتنظيم وسط الملعب افضل بكثير من كونه اوسكار الصانع! المفترض نشوف المداورة بينه وبين لامبارد ، راميريز .. بس مو على حساب ماتا ي مورينهو!
ماتا "الحل"
موسمين عرفنا فيها ان مهما كان سوء الاسباني الا انه يصنع لك من كورة ميتة "فرصة هدف" ويضع المهاجم في مواجهة الحارس .. كورة انتا وضميرك ، هذا خوانيتو اللي نعرفه .. قدم موسمين من افضل م يكون ، اخذ فيها لاعب السنة فالنادي على التوالي ، حقق الكاس ، حقق الابطال ، وانهى موسمه الثاني باليوروباليغ ، كل هذا كان بفضل الله ثم بمجهود الاسباني بخط الوسط وعلى مستوى صناعة اللعب .. تجي في موسم تركنه دكة بحكم ارهاقه طوال الموسمين؟ اوك بمشي معاك واقول معاك حق الاعب اُستهلكت طاقته ومحتاج لراحة .. بس مسألة اني اشوف اوسكار يُرهق ايضاً وماتا اخذ كفايته من الراحة ولا نشوف مبدأ مداورة بينهم؟ هنا اوقف شوي وتبدا الشكوك تدور براسي وبراس اي تشلساوي .. المسألة تعدت ان الاعب مُرهق! ممكن نقول م يخدم طريقة لعبك اللي تبغاها؟ م تمشي لأن عندك نوعية لاعبين تقدر تعمل فيها توازن على مستوى الوسط وبكذا تشرك ماتا وانت ضميرك مرتاح .. الاعب نفسه فقد الثقة ، حتى وانت تشركه كبديل م يعطيك مثل ما انت تعطيه ثقته وهو اساسي! ملامح ماتا الخرافية اللي نعرفها بدت تختفي والسبب "مكابرة مورينهو" وهذا عيب مورينهو الوحيد .. اذا دخل لاعب مزاجه م يقتنع بأي لاعب غيره لو كان ماردونا زمانه!
نرجع للمباراة
مورينهو دخل بتشكيل ممتاز باستنثاء البدء ب اوسكار ، الفريق كان منظم وماسك لعب طوال الشوط الاول ، استغل ايتو هفوة من الدفاع سجلنا من هدف اول مع نهاية الشوط ، الفريق قبل الهدف مثل ماذكرت ماسك كورة لكن بدون فعالية وهنا نفتقد الاعب الصانع والمورد الاول للهجمات هجومياً ، نشوف اللعب اغلبه على الاطراف او في وسط الملعب بدون خطورة تذكر .. كرات عرضية بدون اي فائدة ..
شوط ثاني توقعت فيه تكثيف الهجمات وزيادة الهجوم وتسجيل الثاني .. جا تبديل مورينهو بخروج لامبارد اللي قلب مجريات المباراة .. انت فشوط كامل م قدرت تصنع هجمة .. عندك حلين فالدكة .. يا ماتا ي بروين ، تسحب محور وتدخل مهاجم ؟ بكذا انت رميت ورقتك من بدري يا تشلسي يستمر على هجومه ويسجل او تجي عكسية علينا ويستغل الخصم المساحات اللي تركتها بوسط الملعب ويعدل النتيجة ويتقدم ، وللأسف حصلت الثانية .. هدفين بأخطاء بدائية كان بالإمكان تفاديها .. واخص الهدف الثاني!
ايفا بلحظة نسى نفسه وقام يستعرض مهارته بوقت غلط غلط .. استغلوه البروميتش بمرتدة مثالية وكالعادة يعيب على دفاعنا او وسطنا المتأخر العودة بسرعة وتغطية مراكزهم .. ايفا احمله 90 بالمية الهدف و 10 عند تشيك اللي غريبة م تصدى لها بالرغم من انها قريبة منه .. واتوقع انعدام الرؤية والدربكة سبب دخولها بهذه السهولة!
الفريق بعدها م شفنا منه اي رياكشن على الهدفين ، وقتها مورينهو حسّ ودخل ماتا وميكيل وسحب اوسكار وازبي .. 3 مدافعين واعتمد ميكيل قدامهم وباقي الفريق عند منطقة جزاء البروميتش .. الفريق كان عشوائي بشكل مو طبيعي .. تسّرع ولعب كرات طويلة بدون اي فايدة .. انت طول المباراة تلعب كرات عرضية م استفدت منها تبغى تقلب فيها النتيجة ب 5 دقايق ؟ لو احكم وقتها البروميتش مرتدة وحدة كان قتل المباراة من بدري .. الفريق حاول وحاول الى اخر دقيقة دخل رامي لمنطقة جزائهم وبذكاء استغل احتكاكه بمدافعهم وكسب بلنتي .. ومنها سجلنا التعادل بس م اسعفنا الوقت لتدارك النتيجة والفوز في مباراة بنظري كانت في متناول اليد!
مورينهو محتاج يلملم اوراقه ويعيد ترتيبها .. لا زال الفريق في مركز ووضعية يمكن تداركها ومن حسن حظه جا التوقف الدولي بوقت مناسب يعيد فيه افكاره ، واتمنى دايم يحط في باله "مصلحة الفريق" فووق اي لاعب مهما كان اسمه!
اخيراً
الفريق بشهر نوفمبر ، شهر شؤم بكل م تحمله الكلمة من معنى
مقارنة بسيطة بين شهر نوفمبر الموسم الماضي والشهر الحالي مع تبقي مباراة واحدة ضد ويستهام
|
