إقتباس الرسالة الأصلية كتبت بواسطة Madr!d طيب وبعدين يا أنشيلوتي ؟ بـ تخلينا ماسكين قلوبنا طول المباريات اللي نلعبها ؟ بـ نجلس ننتقدك على فلسفتك اللي مالها معنى طول الموسم ؟ بـ تقعد تغير في التشكيلة بـ كل مباراة ؟ أبي أجوبة مُقنعة على الأسئلة ذي , أنا أبغى أفهم الحين تتفلسف في مباراة كلاسيكو ليه ؟ أنت عارف وش هي التشكيلة الواقعية والمفروض أنك تلعب فيها , طيب ليه تجي وتغير التشكيلة ؟ مب معقولة أروح ألعب راموس محور إرتكاز طيب ليه ما يكون بيبي ؟ اللي عنده خبرة أكبر في هالمركز ! بـ الخطوة هاذي أنت ما قاعد تبتكر خطة جديدة للفريق لا أبداً بالعكس أنت قاعد تخبص بالتشكيلة ! وألاحظ بعد أن مودريتش هو الوحيد اللي شغال في خط الوسط , هو اللي يوزع كرات هو اللي يهاجم ويدافع ورغم كل المهام اللي متراكمة عليه إلا أنه قدم مباراة كبيرة ولكن كان من المفروض عليك أن تشرك إيارامندي معاه في خط الوسط وتبعد راموس عن هالمركز , إيارامندي لاعب راح يخلص من مودريتش من مهمة توزيع الكور راح يقدر يدافع مع مودريتش وراح يعطيه أريحية أنه يضغط على الخصم ولكن راموس كان لاعب ماله أي دور في الملعب وكان تائه ! أنا ما أحاسب راموس على مستواه بالعكس أن أحاسب أنشيلوتي أنه يشركه في مركز لا يستطيع القيام بـ مهامه , لا أنكر أن خضيرة قدم مباراة سيئة بالعكس قدم مباراة جيدة ولكن هو لاعب بطيء والكورة بـ تكون خطيرة على مرمى ريال مدريد وهو للحين ما وصل بـ صراحة وأنت تحتاج إيارامندي في خط الوسط عشان يقدر يساند في الدفاع بسرعة أكبر ! أيضاً أنت كيف تخلي هالفوضى في الهجوم اللي بالفريق , معقولة ما فيه لاعب صندوق ثابت ؟ أنت عارف أن كريستيانو لاعب خطر على الجهة اليُسرى أو اليُمنى وتقتل نص خطورته إذا لعبته رأس حربة وأيضاً مرات تلاقي بيل يلعب في الصندوق على أي أساس ؟ أنا كـ مُشاهد للمباراة ما أعرف وش هي أدوار كريستيانو وبيل ودي ماريا في الهجوم ! ووين يلعبون , لاعب رأس حربة اللي يكون موجود في الصندوق مُهم والمفروض تعطي فرصة لـ موراتا ! هاللاعب قاعد يثبت خلال المباريات اللي يلعبها أن مصدر إزعاج ولاعب خطير بـ صراحة إذا أستلم كورة داخل منطقة الجزاء ! موراتا يستحق فرصة أكبر من اللي ياخذها حالياً , أنشيلوتي قام بـ تبديل جيد وهو إخراج دي ماريا اللي كان مُغلق عليه بـ شكل جيد من دفاع برشلونة والزج بـ خيسي وطبعاً خيسي لاعب مُزعج ويمديه يعفس دفاع الخصم ولكن باقي التبديلات هي فقط تصحيح أخطاء لا أكثر ولا أقل لـ ذلك أنت داخل المباراة خسرت تبديلين لأنك كنت مخطأ في البداية , صراحة أنا ما أقدر أتجرأ أني أشوف سبب الخسارة هو الحظ السيء أو الحكم في المقام الأول لأن أنشيلوتي هو من يحتمل في المقام الأول , أنا من خلال كلامي لا أطالب بـ إقالة أنشيلوتي ولكن أتمنى أنه ما يتفلسف ويقوم بـ أخطاء سخيفة , أنا دائماً أراهن على الفريق بعد أعياد الميلاد لأن كل لاعب راح يمديه والمدرب أيضاً أنه يراجع أخطائه بعد مرور الفترة الأولى تقريباًً , أخيراً هي في النهاية 3 نقاط يُمكن تعوضها ولكن هذه المباراة مُهمة وكان يمدينا أن نتصدر ويكون الفريق في قمة النشوة. هاردلك مدريديستا

اخوي مدردي .. الاسئله الى ضللتها بالاحمر اسالتك هي نفس اسالتي لكن ليه يتفلسف في الكلاسيكو مو عشان خوف لكن يبغى يسوي انو وقف برشلونه في اول كلاسيكو له وكانو يعتقد انه راح يوقفهم بالبداية والشوط الثاني يبدل ويهاجم ويفوز لكن اكلها على راسو .. راموس لعبه محور عشان لو لعب بيبي يفكر انو الاعلام راح يقولون قلد مورينهو عشان كذا لعب راموس محور !! هذا توقعي انو انو حمار ومايفهم في تدريب الريال ؟! .. اما تبديل دي ماريا انو كان صحيح !! ماني معاك لانو لو التشكيله صح كان تشوف دي ماريا وحتى تقدر تشوف رونالدو وبيل .. لانو كلنا شفنا المباراه ماحد عارف كيف يلعبون وهم مايدرون كيف يلعبون وهذا مشكلت التكتيك بالتشكيله ..

شكرآ لك ي عزيزي .. حبيت اقط معاك انا امس وقت المباراه في البيبي ماخليت سبته في المدرب وريحت نفسي فيه وبرضو جيت هنا وكملت الناقص وطلعت حرتي