اسمح لي اخي الكريم بصير اخرب الموضوع حقك شوي

الحين ليش تقولون انه العيد اول ازين؟ وش فرق معكم اصلا؟ اي نعم تغيرت النفوس لكن هذا لا يعني انك تتغير (فكريًا) معها
زي ما الاسلام باقي ولله الحمد حتى يوم القيامة لازم تظل قيمة العيد باقية و(فرحته) بقلوبنا ما يغيرها حادث ولا موضة ولا اتكيت معين

ياخي حب يد والديك الصبح بس! وعايدهم وشف فرحتهم كيف وحب راس خوالك وعمانك وخوال خوالك وعمان عمانك وبتلاحظ اثر هذه القُبَل مدى حياتك
بتلقى اللي يقدرك دامك مقدر شعائر الله وواجبتها وسننها وحتى مستحباتها

اللي بأوصله من كلامي المهم :$
انه مايجوز تقدّس الايام المميزة عند الغرب وأعيادهم واحتفالاتهم ولا جا عيدنا هنا يقولون مانحس اننا متحمسين وكل العصر يروح غيبوبة ومدري ايش
معليش يعني انتم اللي حطيتوا هالاشياء براسكم ..
وانتم اللي تقدرون تغيرونها

ياعمي هو كله عيدين وبها فرحة المسلمين وفرحة لله تعرفون وش معنى لله!
يعني فرحتك عبااادة

افرحوا وخلو عنكم الشيطان ... دام فيه مجال نفرح لازم نفرح حتى لو انك لحالك بهالدنيا وتحت شجرة يابسة

وكل عام وانتم بخير <وش عقبه