| اولا : مساء الخير عليك وعلى اعضاء وزوار المنتدى الكرام
ثانيا :نجي لياسر الشهراني انا اشوف انه اكثر لاعب انظلم لانه يلعب لخانة ماهي خانته سبب بروزه بالقادسية وجيته للهلال انه كان ظهير ايسر سوبر ستار ماعليه غبار ولكن احتاجه الهلال لفترة من الفترات في الظهير الايمن وللاسف استمر الامر حتى لو الشهراني كان بيومه وهو بالظهير الايمن لكنه مايعرف يرفع اوفر صح زي لما يكون بالظهير الايسر فاوفراته تجي بالملي متر
ثالثا: المرشدي اتوقع من وجهة نظري المسلم هو اقرب واحد يلعب مكانه لان الحافظ يلعب سنتر يمين (رجله يمين ) فيبكون عندنا تشابه بالادوار بينه وبين الكوري لان الكوري سنتر يمين بيصير زي العام المرشدي واوزيا كلهم سناتر يسار واتوقع ان مستوى المسلم بالوديات كان فوق الجيد الى جيد جدا
رابعا : السديري امره محير يبرز مباراة ويختفي خمس مباريات ماادري هل فايز السبيعي وفهد الشمري معقووول مستوياتهم اقل منه ممكن انا وانت وباقي الجماهير نراهن على فايز او فهد لكن مدرب الحراس وجميع الطاقم الفني بما فيهم الكوتش سامي ادرى مننا
خامسا : هرماش من بعد ماسجل بالاتحاد صاير ينسى مركزه ودوره ويجنح كانه لاعب جناح ماهو محور يحتاج توجيه اتوقع
سادسا : كاستيلو اتوقع خذل الادارة وخذل سامي وخذل زملاءه اللاعبين وخذل الجمهور هل يعقل كابتن منتخب عريق كالاكوادور كذا مستواه حتى لو ماتأقلم مايصل للمستوى الهزيل الي قاعد يقدمه هل السبب في انه شايف نفسه على الدوري السعودي او يخزن طاقاته لمنتخب بلاده لااعلم ولكن لابد من حل الصبر عليه حتى الجولة العاشرة ان لم يتحسن رزعه بالدكة واللعب بالغنام او القرني بديلين له فلن يكونوا اسوا منه حاليا الا ان تتاح فترة الانتقالات الشتوية وبالباي باي
سابعا : يعطيك العافية وتفائل صدقني هزيمة الرائد فتحت عيون الكوتش وجميع الطاقم التدريبي وهي سبب بان الهلال سيتدارك اوضاعه خصوصا انها جت قبل توقف طويل وسيحصد الدوري باذن الله  | 