هاردلكم يازعماء ..

هذي حال الكرة ، يوم لك ويوم عليك ..

والخساره لها اسباب كثيرة ، سامي اخطاء خطاء فادح جدا وماتوقعته منه صراحه ..

انا متاكد ان سامي من بعد مباراة الاهلي ، فكر بالتدوير بين اللاعبين في مباراة الرائد .. أراد اشراك اكثر اللاعبين لكنه اخطاء في التشكيل والتكيتك ، فكر كيف يصل لمرمى وفعلا وصل ، لكن للاسف نسي مشاكل الدفاع في الخلف ، فتح الوسط لمرتدات الرائد ونسي ان جميع الاهداف اللي دخلت المرمى كانت من مرتدات ، والدليل ان سامي لم يهتم في الخط الدفاعي ضياع اللاعب الشهراني مابين الجهتين شوي باليمين وشوي باليسار .. مشكلة سسسامي واضحه ياخوان (عدم ربط الوسط بالدفاع وتغطية الاطراف) صحيح ان هناك رجوع سريع من اللاعبين لكن لافائده من الرجوع اذا ماكان هناك تمركز وتغطيه سريعه ..

سامي الى الان مو عارف كيف يوضف هرماش والسبب (تصادم هرماش بـ نيفز بمنطقه واحده) نيفز لم يقدم شي وليس هو السبب ، بل السبب تصادمه مع هرماش ، وايضا هرماش ليس هو السبب بل السبب توضيف سامي لهرماش

الهدفين المتسبب الوحيد فيهن هو ( المرشدي) الهدف الاول عدم تغطيته للقادم من الخلف صاحب الهدف وعينه على الكره مع ان فيه لاعبين مغطين على حامل الكرة ..
الهدف الثاني : تقدمه للوسط وعدم الضغط وسبب فراغ خلفه واقرب لاعب لمنطقة المرشدي هو الزوري .. والزوري لايفقه بالتغطيه ابد ..

ياسطورتنا ياسامي ، التدوير ليس بهذه الطريقه وتغيير الطريقه ، التدوير بالمراكز فقط .. واتمنى ان تبدي مصلحة الفريق على اي لاعب .. وانا متاكد ان هذا ليس تفكيرك .. بس اخطاءت .. وان شاءالله مايتكرر الغلط ، وهالمباراة تضاف لخبرتك باذن الله وتصححها ، واتمنى ان تستفيد منها ..


بالتوفيق للجميع ..