بسم الله الرحمن الرحيم
سمو رئيس مجلس الأداره
سعادة أعضاء الأداره
اخواني الأعضاء:
يسرني ان اقدم التهنئه لمقام سيدي خادم الحرمين الشريفين ,,وأدعوا الله
ان يديم عليه ثوب الصحة والعافيه ...انه ولي ذلك والقادر عليه..
ولأنه لايوجد أصدق من القوافي ان حكت فقد حاكيتها وحاكتني ,,
ألا ياحي هـالـذكرى توافـق مـوسم الأمطار ##### تدورالذكريات اللي معك يا فهد نذكرها
سرى بي هاجس التفكيرمع اللي كان واللي صار##### مع حروف القصيداللي تسايرني وأسايرها
أبي تنسـفني حـروفي واجي لك شاعرٍ جبـار##### مع أمجادك أبي حرفي لكم يا فهد يعبرها
أبي قـافٍ تسـولف به جمـيع الناس والأقطار##### مع التاريخ نذكرها لأنك أنت مصدرها
مشـينا الغرب وجنوبه ورحنا شرق عنه يسـار##### شـمالٍ شاف له عزٍ ينومس كـف دايرها
على عهدك سـرى الساري بليلٍ مظـلمٍ ماحتار##### ولا هاب الضواري والهوام ولا هو خابرها
مدام انه على عـهدك تخاون و اصبحن احـرار##### يعيشن في نعيم ا و عـز ولا شـيٍ يكدرها
نعيش امـن ا و امـانٍ ماورد مثله مع الأخبار##### على عهدك يا بوفيصل جميع الشعب يقدرها
طويلات الهموم اللي على الشعب اصبحن قصار##### مدام انك بفضـل ا لله ثم فضـلك مـوفرها
بذلت الجهد حفظت العهدحفظك الواحدالـقهار##### مصايب ها لزمن لاجت على المسلم تيسرها
تفـز لصيـحة المحتـاج ا لا صـابنّه الأقـدار##### يمينك بالمعالي حازت أوّ لها مـع آخـرها
مشاريع الوفاءوٍالخير غـدت بيدينكم أنهار##### منـابع للعـطا غـطت على الدنيـا بشايرها
بنيت الدار حميت الجار من جاره يومن جار##### ضمنت لجارك الراحه وقلت أبشـر واحررها
أخذت العطف باليمنى وباليسرى لهـيب النار##### على من ضيّـع دروبه حـرام ان ما يكررها
وتعطي للحكم منهـج على الشـورى مع الأخيار##### على سنة نبي الكـون من اوّلـها لعـاشرها
على عهـدك يابوفيصل قـدرنا نلفـت الأنظار##### جمـيع اهل الدول اثنـوا علينا يوم نسـايرها
على عهـدك يابوفيصل مضن عشرين عام قصار##### شهـادة واحـدٍ شاف ا للذي شافه وينشـرها
ترى العشـرين يا قايد غدت بقلوبناتذكار##### نعيـش العمـر كل العمـر ماننسى مظاهرها
عجزت اكتب عجزت اوصف عجزت اواجه التيار ##### بحورمن العطا فاضت ياكيف شلون ابحصرها
لك ارواح الجميع فدا لك ارواح الجميع استار##### مـدام انك يابوفيصـل حبيـبه فانت تامـرها
وسلامتكم ...
هكذا نطقت الحروف وأبت الوقوف الا امام عشرين لتوافق المناسبة عدد ابيات القصيده ...
مع تحيات / اخوكم /عاشق الزعيم/ راعي العنود...
[email protected]