إقتباس الرسالة الأصلية كتبت بواسطة Abdullah-88 معليش يوسف اسمحلي اعقب على النقطه هذي ،، تبي تنافس في البطولات لازم يكون عندك سكواد قوي موب سكواد سوبر ستارز ،، وانا معك لازم اعبي الفريق ،، ولازم يكون في كل مركز لاعبين على الاقل ويكونون "قريبين من مستوى بعض" ،، الى الان اللي يسويه الريال 90٪ ممتاز ،، ما يعيب ادارة الريال الى الان هو انهم ما جابو مهاجم ،، بس اسلوب بيريز في محاولاته لجلب بايل بيخلي انشيلوتي يثبته اساسي وتذكر كلامي ،، دي ماريا ماراح نصير نشوفه الا اخر ربع ساعه من بعض المبارايات ،، وممكن اوزيل او ايسكو راح ينظلمون برضو. اذا دي ماريا عارفين انه ماراح يقدم موسم كامل بامتياز مو لازم اجيب لي لاعب سعره 90 مليون ياخي كان فيه خيارات ممتازه ،، نافاز لاعب اشبيليه او مونياين لاعب بلباو ،، اتحدا يكلفون اكثر من 50 مليون (اثنيهم) ،، تخيل لو انك جايب الاثنين ،، بالله عليك مو افضل ؟؟ واحد يمين وواحد يسار دي ماريا اتوقع قربت مغادرته ،، واذا ما طلع الموسم هذا فا اتوقع الموسم الجاي بيطلع ،، والله حرام لاعب مثله يطلع ،، خصوصا وانه صار له 3 مواسم مع الفريق و انسجم وحدة من مشاكل الريال اللي اشوفها انه موب عارف يبني فريق ،، كل ما برز لاعب قعد يلحق وراه ياخي شف ايش احتياجك وسد فراغك وبعدها دلع نفسك ،، الموسم الماضي مودريتش ،، ما اقول اننا ما كنا بحاجته بس كنا بحاجة الى ظهير ،، سحب على الظهير وجاب لاعب وسط ،، الحين نحتاج مهاجم ،، سحب على المهاجم وجاب لك جناح انت في غنى عنه "وجهة نظري اننا في غنى عنه" والطامه الاكبر هي الصحافه ،، كل يوم مطلعين خبر ان فيه لاعب بيطلع ،، قبل فتره اذكر كانو يقولون ان خضيره بيطلع ،، حتى ان خضيره قفلت معه على اي اساس يقولون من بيقعد ومين بيطلع انا ماني عارف ؟!! انا اشوف الاسلوب هذا راح يفقد الاستقرار لبعض اللاعبين المهمين ،، اذا تبي تبني فريق فلازم يكون عندك اعمدة للفريق ،، لازم تبثت لك 2 مدافعين ،، لاعب محور وصانع لعب ومهاجم ،، وبعدها اذا تبي تضيف تصير تضيف على حسب الحاجه ،، اما انك تجيب لي لاعب ب 100 مليون وانت عندك دي ماريا وايسكو ،، الاثنين يلعبون نفس المركز قبل ما يجي بايل هذا السكواد اللي عندك (في خط الوسط بتكلم) الونسو (ايلارمندي) - مودريتش ( خضيرة - كاسيميرو) كريس ( ايسكو) - اوزيل ( ايسكو - كاكا - وممكن مودريتش) - دي ماريا (ايسكو) بغض النظر على ايش اسلوب لعبك او الخطة اللي تبي تلعب فيها ،، عندك ايسكو ممكن يغطي لك اي مركز في خط الوسط ،، يمين او يسار تخيل معي لو جبنا نافاس الونسو (ايلارمندي) - مودريتش ( خضيرة - كاسيميرو) كريس ( ايسكو) - اوزيل ( ايسكو - كاكا) - دي ماريا (نافاس) بيكون اليمين بين دي ماريا ونافاس ،، بتقولي طيب الحين بنجيب بايل ف مافيه فرق ،، هو فرق من ناحية ان بايل بعد المرمطه اللي صارت بيكون ضغط على النادي بكبره انه يكون اساسي ،، على عكس لو انك جايب نافاس بسعر معقول ،، ونافاس مستواه قريب نوعا ما الى دي ماريا ،، فا راح يكون بينهم تنافس ،، على عكس دي ماريا - بايل ،، دي ماريا بينصرع من مبلغ بايل وبيعرف ان التنافس معه بيكون صعب عموما الانتقالات قربت تقفل ،، ما اقول الا الله يستر لا يطلع دي ماريا او اوزيل ،، والى الحين ما عندنا الا ها البارد في الهجوم ،، اتمنى سواريز او اي مهاجم ،، واتمنى ان بيريز ما يغلط ويبيع دي ماريا او اوزيل اللي الاخبار كاثره عليه

عبود حبيبي اسمح لي اعلق على ردك !!

كلامك سليم ووجهة نظر احترمها .. لكن مين هو نافاس قدام بيل ؟ مافيه غير عيونه الحلوه بس اما غيرها والله لاعب عادي قدام بيل . بيل شايل توتنهام ومردغ اقوى الفرق الانجليزية وبعض الاوروبيه ( الانتر ) وثاني او ثالث هداف بالدوري الانجليزي الاقوى بالعالم وافضل لاعب صاعد وافضل لاعب بالدوري الانجليزي .. وانا مافكر في لاعب يكلفني مبلغ بسيط وبرضو ما يسوي شي في الملعب , عكس بيل الى حيكون رونالدو الثاني في الريال وصدقني راح تغير كلامك اذا نجح في الريال اما نافاس او نجيب كم لاعب ويكلفوني 50 صراحه ماتنفع الا مع فريق يلعب على مركز متقدم في الدوري والدوري الاوروبي . لكن الريال يلعب على الدوري والابطال والكأس ومو معنى كلامي اننا مانجيب لاعبين صغار زي ايسكو ودي ماريا واوزيل وغيرهم .. لكن برضو زي مانتا شايف جبنا كذا لاعب والى الان مافي غير ايسكو وشوية كاسميرو والباقين ماندري عنهم وايضآ خظيرا مو لاعب والونسو مصاب .. واذا على انو دي ماريا او اوزيل احتياط وراح يخرج !! معليش السنه الى فاتت اللاعبين نزل مستواهم ومافي البديل الى يعوض الفريق مكانهم اما الان ايسكو مكان اوزيل وبيل مكان دي ماريا وكذا كل لاعب له بديل ويلعب بجد ! وراح يزيد الحماس للاعبين وكل واحد يطلع الى عنده للفريق والفائده للريال واذا في اصابة او ايقاف تحصل البديل وانا عن نفسي اشوف اذا م جاء مهاجم نلعب الثلاثي الهجوم رونالدو وبيل ودي ماريا ويكونو متحركين بدون راس حربه صريح ! وافضل بديل للهجوم هو خيسي صراحه افضل من بن زيما وموراتا .. معليش على الاطاله واسف على القربعه في الكلام

تحيتي لك