نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

Fahad Al Sudais · #11 25/08/2013, 07:28 PM

ابوسعود لاتستعجل رزقك مع الوصفات لأني ناوي اطبقها عملياً خلال ساعات وانت اول واحد راح يتذوق

وعلى طاري الرحلة الاوروبية

مقابل الهوتيل اللي سكنت فيه كان مطعم بيتزا واصحابه اثنين اخوان مصريين وهم اللي يشتغلون فيه ومعهم واحد ايطالي موظفينه معهم (طلينه) على وزن (سعودة)

وثق تماماً أنني استنفذت جميع خبراتي في ذلك المطعم المسكين ونشبت للمصاريا نشبة شوكة سمك شعور بحلق بزر

طيحت الميانة من اول يوم وصرت ادخل اصلح البيتزا حقتي بنفسي وانثر عليها من هالمشروم والامور الطيبة والمصري المسكين يطالعني بحسرة ولا حول له ولا قوة

وكل شوي ( معليش ياباشا انت استريّح واحنا حنعمل لك اللي انت عاوزوه ) وانا اقول له انزح وراك وش عرفك بالبيتزا خلك بالطعمية

بس اترك عنك.. أثر البيتزا سهلة ومايبي لها شي

راس مالها خبزة تميس عليها جبن

حتى اني اتفقت معهم نبتكر بيتزا جديدة مخصوص للسياح السعودين تكون بدل الموزاريلا ندهنها جبن كاسات وبدل المشروم والببروني نحط كبدة

ولا احلى منها.. بيتزا كبدة بالجبن

والمطنوخ اللي يبي حاشي يدفع الفرق الله لا يهينه

وتقل جازت له الفكره وتحمس يقول إمتى حنشتغل عالكبدة ؟؟ وانا اقول له اصبر شوي جايك عيد الضحية والذبايح غالية يمقن ترخص بعد العيد

الزبدة اني ضمنت بزنس قامد أوي والفلوس حتنزل عليا زي الرز

إقتباس

الرسالة الأصلية كتبت بواسطة هلالي من ارض اليمن


	قال الفرزدق ذات يوم في خلوته بالصحراء والقمر باد في الأفق مع نسائم جنوبية : خليك هنا خليك .. بلاش تسافر ! بتئول يومين وتغيب سنة .. بلاش تسافر ! هذا الفرزدق متأثرا بالاحداث المصرية

يا رجال الفرزدق حقك مضروب وما لحق على الرومنسيات الصخراوية الحالمة

مسائك عسل يا طارق