نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة عشاق ملوك اوروبا Real Madrid 2012-2013 ||

raul gonzales blanco · #12925 23/08/2013, 03:47 AM

,

,

.

سلام عليكم

عدنا بعد غياب طويل من الاصابه > ألونسو

الزبده أني مازلت منتشي من تكريم راؤول وشوفة الحب

بطلع كل شي برأسي في هالرد بدون ترتيب وأعانكم الله على القراءه

أول نقطه أثارت إعجابي كانت حديث أنشلوتي بأنه راح يلعب لعب هجومي وفعلا الفريق بدء بداية هجوميه قويه
أمام بيتيس لكن كان فيه أخطاء كبيره وكثيره لعدة أسباب

أنا من أيام مورينهو وأنا أتكلم عن الظهير وأوقلكم الظهير الهجومي يجيب لك بطولات والغريب أن نفسه مورينهو عاش مع مايكون أجمل وأقوى فترات أنتر ميلان في تاريخه !!

كارفخال أضاف ماكان ينقص الريال من الناحيه الهجوميه وصار الفريق نوعا ما متوازن في الجهتين اليمنى واليسرى (هجوميا) لكن المشكله أن أنشلوتي كلف المحاور مودريتش وخضيره بالهجوم ايضا وهذا شيء مبالغ فيه جدا حتى لنادي كريال مدريد !

شفنا كرات كثيره تقطع من خضيره وهو متقدم ولاعب بيتيس يركض اكثر من 30 متير الى ان يصل لراموس وبيبي وهو لم يلتقي بأي لاعب من المحاور لأنهم بأختصار مايدافعون !

خضيره لازم يكون متكفل بهذا الجانب ويطلب منه عدم المسانده الهجوميه ابدا وكذلك مودريتش يطلب منه احيان التغطيه الدفاعيه اذا كانت الهجمه علينا لتغطية نقص مارسيلو وكارفخال في حالة تقدمهم !

مشكلة هذا التكتيك الهجومي ايضا أنه يحتاج لقلوب دفاع سريعين و سريعي التصرف ايضا لأنه احيان يكون 2 ضد 3 واحيان 3 ضد ا4 وايتصرف غلط يدخل الخصم بمواجهه للحارس !

هذي ضريبة للعب الهجومي والممتع كان مورينهو أكثر حرصا على اتباعها أو بتحفظ كان أجبن من أن يفعلها

من التكديس الواضح في وسط ريال مدريد يعرف الواحد ان المدرب عنده منقطة قوة في الفريق كأي مدرب أخر بعض المدربين مثل مورينهو أهم نقطه عنده في الفريق الدفاع والمحاور ويبني فريق عليهم , أنشلوتي من ايام ميلان يهتم كثير بلاعبين الوسط ويكدسهم لكن يستفيد منهم غالبا , التكديس مو دائما يكون وصف لمعنى سيء لولا التكديس لكنا الأن نخشى من القادم بدون ألونسو !

مشكلة الوسط حتى الأن التمرير المبالغ فيه لمن يكون عندك لاعبين مثل مودريتش و ايسكو و أوزيل بتشكيل واحد تكون التحركات بدون كره قليله جدا ولا تأتي الا من رونالدو احيان وبنزيما دائما ويكون متسلل

مباراة بيتيس كان فيه استحواذ فارغ تمرير طولي قصير على مدى الملعب بدون فائده وهذا الشي يجبرني أقول أنه لازم يضحى بلاعب من بين ايسكو او اوزيل ويكون بديله دي ماريا لأنه فيه صفات اللاعب اللي يجري للامام للمرمى عكس ايسكو و اوزيل اللي غالب تحركاتهم تكون خارج المنطقه

وحاليا بمستوى ايسكو ارى اوزيل الاقرب للخروج , زد على ذلك ان اوزيل جالس يلعب في المنطقة اليمنى وهو لا يجيد اللعب فيها تماما وتسديداته على المرمى تعد على الاصابع ولا يشل خطوره الا بالتمرير وهذا الشي يعوضه ايسكو اللي يسوي كل اللي يسويه اوزيل ويسجل كذلك

رونالدو ظهر بشكل سيء في مباراة بيتيس لأن بيتيس كان متكتل ويلعب على المرتد وكان رونالدو يميل اكثر للعب داخل الصندوق وهذي تصعب المهمه عليه كما تصعب على ميسي دائما اذا صار داخل الصندق وكان عليه رقابه صعب يهرب او يتصرف مثل لمن يكون في الجناح مع هذا كله أنا افضله في العمق اكثر من وجوده في الجناح لأنه رونالدو ممكن يلعب في الجناح ويقدم لك مباراه كبيره لكن كل تمريره يمررها لبنزيما او للعمق تنتهي للحارس او لخارج الملعب لكن في وجوده في العمق حتى لو لم يقدم مباراه كبيره في لقطة وحده ممكن ينهيلك مباراه والشواهد كثيره مباراة نهائي الكأس مباراة النهائي بين تشيلسي ومانشستر مباراة البرتغال امام التشيك و وو الخ !

رونالدو اذا صار المرمى في اتساع رؤيته تصبح كل كره منه كالرصاصه بعكس اذا كان على الجناح وكل ماسيفعلهالمحاوره واللعب العرضي فقط !

وربما يغطي هذا المكان بيل اذا اتى ويقدر رونالدو يتفرغ بشكل كامل للعمق الهجومي لأن بأختصار رونالدو في الجناح ماتقدر تستفيدمن كامل ميزاته اللي هي الارتقاء واللعب بالرأس والتسديد بكلتا القدمين والسرعه في التحرك

بالنسبه لصفقة بيل أحمق من يعتقد أن الريال لا يحتاجه لاعب زي بيل حتى لو عندك فائض بالفريق في مكانه أنت تحتاجه لأنه افضل من كل اللي عندك فما بالك اذا كان رونالدو من ثلاث سنوات يلعب جناح لوحده بدون اي بديل له وزد على ذلك اخراج كاليخون يعني الفريق مايمتلك احد يجيد اللعب بالجناح الا رونالدو ودي ماريا !

من الناحيه الماديه استرجاع المببلغ اسهل من السهل واذا كاكا المعتزل فنيا

رجع الصفقه حقته ماديا بالتأكيد بيل راح يرجعها !

من الناحيه الفنيه اللاعب ممتاز جدا وما اقدر اشبهه بكاكا من اي ناحيه لأن الفوارق كثيره كاكا لمن جاء كان مستواه سيء وكان كثير الاصاباتوكان محقق كل شي يعني بلا طموح

بيل لاعب صغير بالسن ويعشق الريال والكثير يعرف هذا الشي و فيه كثير من صفات رونالدو وجاي من دوري أتى منه رونالدو لنا

وصدقوني ز ما قال راؤول في المؤتمر قبل المباراه ان رونالدو أعظم صفقه في تاريخ الريال
بيل راح يكون ثاني اعظم صفقه في تاريخ الريال لأنه يملك كل شيء يخليه لاعب كبير

برأيي اذا جاء بيل وكانت الخطه أن رونالدو يكون في العمق ما نحتاج مهاجم ولكن اذا لم يأتي أو رونالدو ماراح يلعب كمهاجم لازم يجي مهاجم لأن موراتا أقل بكثير من أن يكون مهاجم رابع او خامس في ريال مدريد

أسف على الأطاله وعلى تناثر الأفكار

الرد بكبره أهداء للي حمسني وجاني في الأسك يقولي نزل رد ولا أدري من هو