مبروك الفوز ي عيال , ثلاث نقاط مهمه خصوصا اننا ما استنفذنا طاقات كل لاعبينا , يعني نقدر نقول فوز اتى بطريقة
جميله و رائعة و احسن شي سواه تبديلاته و التشكيلة اللي دخل بها تدل ع خوف المو من ارهاق و ماهو ناقص ارهاق
من الحين لأن العيال بيفحمون بأربع مباريات جايه و صعبه عندك استون فيلا يوم الأربعاء بعدين يوم الأثنين عندك المانيو
بارضهم بعدين يوم الجمعه عندك مباراه مع اقوى فريق بالعالم حاليا البايرن بالسوبر الأوروبي يعني مفروض بعدها تعطي اجازة
للاعبينك ع الأقل 5 ايام راحه عشان يرجعون لك زي ماكانو , بس هالكلام بالموسم الماضي الحين دكة البلوز
قوية لدرجة انها غيرت شكل الفريق اليوم و لو انها لعشر دقائق بس ماعليه ع الأقل ورتنا مدى قوة دكتنا عن العام الماضي

يعني كان هال سيتي ضاغطك و ماسك الملعب و اعتقد السبب كان لعدم وجود محور دفاعي ساتر للمدافعين و ثابت لكن
ما الوم المو ع هالشي لأن فيه فريق محتاج تلعب معهم بمحور دفاعي ثابت اكثر من هال و انت بتنضغط فلذلك ريحه
لأنه بينكرف بالأيام القادمه لكن بأخر عشر دقايق دخل لك شورلية الممتاز اليوم للأمانه ظلمناه بالوديات للأمانه و توقعته
ماراح يفيد الفريق ابد لكن بالعكس افاد الفريق بشكل رائع جدا بعشر دقائق ع الصعيدين الهجومي و الدفاعي وفيه هجمه
له تدل ع عقليته السليمه , لا و الله جد عقليته و لله الحمد كويسه و حنا متعقدين من سالفة العقليه
لان مر علينا لاعبين كثار موهبه لكن عقلية زفت و لكم في موسيس اكبر مثال , و فيه شي ثاني بعد شدني بالهجمه الا وهي
ان رامي مرر تمريرة بينيه حلوه قسم اني انهبلت و انبسطت في نفس الوقت قلت معقوله رامي اللي مررها ؟ بس و الله رامي لاعب كويس و يفتك
كور كثيره و يساعد الفريق بشكل كبير لكن كل جهده يذهب هباءا منثورا بسبب رجله المعوقه بالتمرير ليتها وقفت ع تمريرات طويله لا حتى التمريرات
البينيه غبيه عنده بس ان شاء الله يتحسن و ينافس جينكل و دي بروين ع هالمركز و بيستفيد الفريق كثير من هالمنافسة



اوسكار نجم المباراه بلا منازع و نجم مورينهو بعد التكتيكي
اتوقع بعد هالمباراة الأمور وضحت عن موضوع هالمركز اتوقع بيكون لأوسكار و اتمنى ذلك ايضا لعدة عوامل اهمها
* الإنسجام , يعني اوسكار منسجم مع ماتا و هازارد اما دي بروين بياخذ وقت ع ماينسجم معهم و اوسكار ك حس
تهديفي ايضا افضل و لاعب تكتيكي بحت و هالنوع يعشقه مورينهو من اللاعبين و اوسكار لاعب رائع من ناحية
الضغط ع حامل الكوره , ك إفتكاكه للكوره لا بأس به خصوصا انه لاعب وسط هجومي , يبدا الهجمه بشكل سليم
وسلس و زي ماشفنا اليوم انسجامه مع هازارد رائع و كانت بينهم اكثر من لمسة حلوه و نتجت عن هجمه خطيره
مع العلم ان هازارد كان سيء اليوم فما بالك اذا كان هازارد و ماتا و اوسكار بيومهم اعتقد اوسكار افضل واجهز من
دي بروين للعب بهذا المركز الحساس دي بروين بإعتقادي يتفوق من ناحية القوة البدنيه و هي عامل مهم خصوصا
اننا بدوري معروف بالقوة الجسمانيه و الإلتحامات لكن بعد اوسكار ما عليه و ما أعتقد هالشي بيؤثر عليه كثير
خصوصا ان هذا هو موسمه الثاني بالبريمرليج لكن ك العاده اللي بيثبت نفسه اكثر هو اللي بيمسك اساسي لكن اذا
بنتكلم عنهم ك ( اوراق ) ارى ورقة اوسكار رابحه اكثر

لكن زي ماقلت سابقا من صالح الفريق المنافسة بين اللاعبين