|
.,~ المجلس يعطي اللقاء حلاوته .~
بسم الله الرحمن الرحيـم رمضان مرَت الايام مرورا سريعا ولم نشعر بها واللهم لك الحمد ان بلَغنا اياه والله يجعلنا من المغفورين و ان يحرم وجووهنا و والدينا والمسلمين من النار ويجعلنا من الفائزين في ليله القدر ..  سبحان الله قالوا رمضان هالسنه اشد حراره و الواحد بيصير دجاج شوآيه وكلام كثير ولكن يٌعين الله الصائم على صيامه وقيامه وكانه توه متعشي مفطح في العشر الاولى من الشهر ماشاءالله لو تشوفون سفرتنا ماشاءلله كل مالذ وطاب لقيمات + بسكوت +شوربه+سمبوسه+معجنات+معجنات ثانيه + بيتزا فطائر رز لو تبون كنت وقت العصر احصل فرع ميدان التحرير في المطبخ ماشاءالله حضر تجول وامي ماغير تخبط بالعجين كأنها بتصلح تميس و وحده من خواتي لاحد يكلمها جالسه تلف البف مدري سبرنق رول واختي الصغيره منال العالم ماشاءالله ماسكه كتاب الطبخ وجالسه تقرأ فيه وتقول بصلح لكم طبخه اليوم غير شكل والنهايه مصلحه معجنات وناسيه تحط حشوتها واصلا لو تشوفون شكل المعجنات واعزتاليها مسيكينه واذا الواحد قال بساعدكم :: مانبي شي اطلع وفكنا من شرك والنهايه يقولون ابو سروال وفنيله مامنه فايده وش اسوي بهالوقت قرينا قرءان وخلصنا ودنا نساعد طيب اروح انسدح بالصالحه منصمخ بالمكيف كاني وحده فيها نفاس بيجي ياخذها زوجه بكره ومتزينه له و والوقت الفطور اخوي ماشاءالله عليه راضع مع السديس عنده نظام على كيفك الصباح يسهر على قرائه القران ولايمنع قيم فيفا واذا خلص واصل القراءه الله يحفظه ويسحبها نومه لوقت الفطور ويصحى من النوم يجلس على السفره اذن ولا ماذن .؟ و وجهه معفط كانه ابو عمعوم واذا شرب المويه قال ذهب الظما وابتلت العروق .. اي ظما اللي تتكلم عنه ياخوي ؟ بعدين على طاري السفره تصدقون اليوم سفرتنا مافيها الا تمر ومويه واتوقع الفطور سفره بس ,, خلاص يقل الحماس من امي بس مالومها تشجع النصر وصايره مثله اخر الدوري يموت حيله ثانيا من اول الجيران وش حليلهم نتبادل الاطباق نفطر بفطور جيراننا وهم يفطرون بفطورننا مير هالشهر ماجانا الا صحن واحد ومن بكره طقوا الباب قالو نبي الصحن متحسفين شكلهم ..اخيرا تمر السنين والايام ولاتثقفنا الواحد يصلي المغرب يحصل ناس تصلي جنبه تسمع الامواج اللي ببطنهم شوربه مويه فيمتو تانج بنزين ومن الفهاوه مايدري كم فاتته ركعه ويسوي زي اللي جنبه وعلى نياتكم ترزقون ولا جاء يقوم من السجود كانه وحده فيها طلق يالله يقوم ويالله يتنفس كأنه مصدوم ماعليه مرت الايام سريعا واخيرا شكرا امي شكرا خواتي  وشكرا لكل انثى عانت وساعدت في الافطار وشكرا لكل رب منزل ودى اخوانه واخواته وامه للاسواق اتمنى لكم عيدا سعيدا ان شاءالله انا عندي رحله 7 صباحا باذن الله على فكرَه هلال الاسطوره الجابريه سامي غير  | 