العازمي ابعد من النصر بسبب عدم قناعة ماتورانا فيه ! ليش مسوين زحمة ! البيشي فيه رباط صليبي يعني انتهى ! كفاية نقد ل سامي كفاية !!!
السلام عليكم اشوف العالم هالايام شابة وهي م تدري ايش الموضوع زعلانين ان سامي بيبعد بعض اللاعبين نجي مثلا للعازمي ! الي يدافع عن هاللاعب انا اتحداه شافله مباراة كاملة وعلى ضوءها حكم هاللاعب كويس ولا مو كويس .. الواقع ايش يقول : ان الجمهور شاف بعض جمهور النصر ندمانين عليه انبسط باللاعب وقال شكله يلعب .. وعشان تفهمون سالفة هاللاعب ان مدرب النصر سابقاً ماتورانا وهو من طالب بعدم التجديد مع اللاعب نجي لمبارك البيشي الي نسمع عن انباء انه بيروح هاللاعب من ايام توماس دول ولا شفناه يلعب من اصابة لأصابة وجاله رباط صليبي الي نقول انها أنهته لما يجي سامي الي وقف وشاف كل اللاعبين وعرف من يستحق الفانيلة نجي نعاتبه هو أدرى واعرف مننا ! بعدين بنرجع لقضية العازمي هو لاعب محور والهلال يملك تخمة مميزة بالمحور اثنين محاور كاستلو وهرماش اجانب وفيه الفرج والقرني والغنام والشاب الصغير عطيف ! يعني تفضلون العازمي الي رفضه ماتورانا ولا جدد معه النصر على هاللاعبين الي نعرفهم ونضمن مستواهم ! انا مو قاهرني الا انكم تدافعون على لاعب م شفتوه بس بالكلام سمعتو عنه ! ارجوكم ارجوكم ادعمو سامي لو عمل الي عمل كفاية نقد كفاية والله م دمرنا غير هالشي اعرف الحين اغلبكم يقول عني مطبل او من هالكلام ليعلم الجميع ان لا شي عندي فوق الهلال ولكن من حق غيري ان ياخذ فرصته ومن ثم احاسبه ! ب السابق دعمت دول وانتم من ابعده http://vb.alhilal.com/t1075077.html وايضا دعمت كومباريه http://vb.alhilal.com/t1122518.html م بالكم ب سامي ولدنا اسطورتنا كيف م ادعمه ! باخر الموسم اعملو الي تبغون الحين خلوه يسوي الي يبغى يعني جد شي يقهرني مسوين زحمة على حاجات صغيرة ليش ي سامي تنهزم بمباراة ودية رغم ان المستوى يطمن ليش ي سامي تبعد العازمي اللاعب المبعد من النصر ليش ي سامي تبعد لاعب كثير الاصابات زي مبارك البيشي اصلا من حسن الادب ان شخص لا كلفته بشي م تحاسبه الا في اخر المطاف سوى بالشكر او الابعاد ! انت الي تنتقد حط نفسك بس مكان سامي .. لما يجي شخص يوكلك ادارة مشروع وتلقاه يحاسبك بكل دقيقة ايش بيكون انطباعك عنه ! اتوقع وصلت لكم ! لكم ودي .. حسام   | 