إقتباس الرسالة الأصلية كتبت بواسطة عقد البطولات اول مباراه حضرتها ما اذكر تاريخها. كانت بين الشباب والهلال على نهائي كأس الملك انتهت هلاليه بضربات الترجيح والله اعلم والله سنين مرت هههههه المهم ان الهلال فاز. وكان مهزوم 1/0 الى اخر دقيقه وكنا ننتظر بكل حزن صافرة الحكم كان فيه لاعب في الهلال اسمه خالد الغانم له قدم قويه جدا وكان الهلاليين يعلقون امال كبيره على هذا اللاعب كان في مستواه وتمريراته يتفوق على يوسف خميس. خالد الغانم من منتصف ملعب الشباب من الجهه اليمنى اطلق كره صاروخ سكنت المقص العلوي لشباك الشباب.. الهدف ما قدرت انساه من جماله. اما نتيجة المباراه فوالله نسيت هل انتهت بضربات ترجيح او ان الهلال سجل هدف الفوز في الوقت الاضافي. والله كنت صغير مع الوالد رحمة الله عليه لكن الهدف محفور ليومكم هذا بذاكرتي وكأني اشوفه الحين. واللاعب خالد الغانم ماعاد شفته ولا عاد سمعت له ذكر. مدري هو اصيب والا ويش جاه المهم انه اختفى. ومدري احد من الاخوان يذكره والا لا؟

الله يالدنيا رجعتنا 32 سنة على ما اعتقد إن هذه المباراة كانت عام 1402 هجري فعلا مباراة لاتنسى لأن هدف الهلال جاء بالوقت القاتل من قدم اللاعب خالد الغانم (رحمة الله عليه ) طبعا أنا أذكرها زين لأنها الأولى أو الثانية لي في مشاهدة مباريات الهلال في التليفزيون وأتذكر بأنه كان يرتدي الرقم 22
وعلى ما أظن بأنه ترك الكرة عام 1405 هو أحد اللاعبين الذين حققوا أول بطولة أسياوية للمنتخب السعودي في سنغافورة عام 1404 لاعب هادئ جدا خارج الملعب وفنان ومبدع داخل الملعب توفي عام 1427 هجرية