| هههههههههههههههههههههههههههههههههههههههههههههه
شر البليه مايضحك صحيح
انا مايقهرني الا الي يروح لمنتديات الاتي شاد ويجيب الاخبار منهم
يقول وش لون عرفت انها كذبه قال من كبرها
يقولون في المنتدى ان عمر الشلهوب قرب من الـ28 هههههههههههههههههه
قسم بالله شي يضحك
الشلهوب انا دارس معاه في مدرسه ثانويه نهاوند في السويدي وكنت معاه في فصل واحد
وعمري الحين 24 سنه
هو كان اكبر مني بكم شهر
يعني الشلهوب مايقدر يطلع من الهلال الا بعد اربع سنين تقريبا لو كان هذا تفكيرهم
بعدين الشلهوب هلالي وعاشق الهلال
وفضل الهلال على الشلهوب كبير مرررره
اعرف بيتهم القديم واعرف بيتهم الجديد
واعرف وش كانت سيارته قبل
وشوف وش سيارته الحين
شتان بين وضعه اول ووضعه بعد مادخل الهلال
وعلى فكره هو في الهلال من الناشئين
مو من فريق خالد ابن الوليد
يعني ماشاف النعمه الا على يد الهلال
بعدين كبر عقلك مو اي واحد يكتب تجي تنقل كلامه نصا
الهلالي الاصيل مايترك ناديه على شان الفلوس
والحمدالله الهلال فيه خير وكل من له حق بياخذه
اما الشلهوب فكان المدرب هو الي طلب اراحته
لان لياقته بدات تنخفض خصوصا ان جسمه ضعيف مو مثل الباقين بنيتهم الجسمانيه كبيره
زبده الكلام الشلهوب مخلص وراح يكون مخلص
ان شاء الله يحترف برى بعد كاس العالم ويقارع النجوم الكبار
ورجاء لاتنقل مثل هالكلام على شان ماتأثر على الشلهوب او نجومنا
ماراح اقول مندس لان من جلس معانا هنا وعاش وسط افراح الهلال ماله الا ان يكون هلالي
وتحياتي لك  | 