إقتباس الرسالة الأصلية كتبت بواسطة CR7 2012 علينا وعليك وعلى المسلمين جمعياً كيف عرفت ان مورينهو مطلعه من خططه .. كلنا شفنا كاكا مع مورينهو في موسمه الثالث تقريباً من بعد اصابة دي ماريا وهو يلعب بشكل متواصل يعني نصف الموسم وهو يلعب!! قدم مستويات جميله لكن بالاخير بدء يعكها عك وبتحديد بعد مباراة الاتلتي ورباعية الدون .. اكيد ماراح اقولك مباراة البايرن , اللاعب مب مشكلته ( فرصه ) اللاعب يقدر يعطيك 4 مباريات لكن هل فيه استمراريه .. ترا بعض اللاعبين مايحتاج فرصه نص موسم عشان يثبت نفسه , بعض اللاعبين يا طويل العمر من مباراة وحده يثبت نفسه واذا تبي امثله اعطيك مافيه مشكله بس اكيد انت عارفها .. اللاعب طق الثلاثين وخلال اربع مواسم ماقدم شيء .. اما مثالك هذا!! مباراة دورتموند قدم مستوى جميل , سبحان الله .. ياخي لو تبي افرز لك كل مبارياته الزفت ماعندي مشكله .. اوكي 20 مباراة قدم مستوى لكن 20 مباراة في 4 مواسم ماتحس انها كثيره ؟ .. لو انك متابع الفريق في موسم مورينهو الثاني رح تشوف كاكا اخذ فرص كثييره . يعني بتحط كاكا بدل مين الحين ايسكو ؟ خيسي ؟ اوزيل ؟ مودريتش ؟ دي ماريا ؟ بيل ؟ مين بعد ؟ ذكرني انت .. حرام تحرم هالجواهر عشان لاعب منتهي مثل كاكا .. وترا كلمة ( ما اخذ فرصه ) مستهلكه جداً .. اللاعب الامير راضي يجلس بالدكه وماعنده مشكله بس اهم الراتب ماينقص ومب راضي ينقص راتيه عشان ينتقل .. عيب عيب والله عيب .. يعني لاعب خلال 4 سنوات وفي كل موسم يعك امها ومايبغى ينتقل ؟؟ .. ذا وش تسميه بالله ؟ .. غريب جداً انك تدافع عن كاكا!! .. اوكي كاكا وسيم لكن هاذا ماله بمستواه .. اصلاً مافيه فكره عشان توصل .. اذا هو كريس بكل تأكيد رح يتحسن .. يعني هل تيي تقنعني ان كاكا كان يلعب ضد انديه من جنبها ؟ يعني بتقنعني ان كاكا ما اخذ فرصه ؟ .. اترك الجواب لك اجل كاكا مَ اخذ فرصه انشلوتي يقنع هيغوين بالبقاء

اوكي انت مافهمت الفكره اللي ابوصلها ،، النقطة الاخيره اقصد فيها هي ان اي لاعب ينسحب عليه اكيد بيصير فيه مثل ما صار مع كاكا ،، وسالفة والله لا رونالدو بيرجع لمستواه هذي عاد ماتدخل البال ،، قلنا رونالدو قوي وجامد وخالع بس موب لدرجة انه لو اصيب نسبة رجعته لمستواه 100 ٪ بس اذا هذا شي انت مقتنع فيه فهو راجع لك

ثانيا ،، وش دراني ان مورينيو مطلعه من حساباته ؟!!! ،، ابد والله داز لي مسج معطيني خبر منجدك انت ؟؟ كل هذا وتسال كيف مورينيو ساحب عليه ؟؟؟؟؟ ياحبيبي كثييييير مبارايات ما يدخله لا بالتشكيلة الاساسيه ولا الاحتياطيه + مصرح قبل بداية الموسم الماضي انه يبي يكرش كاكا ،، وش تبي اكثر من كذا ؟؟؟ يمزعه مع الباب عشان تقتنع وتستوعبها طال عمرك

وبعدين مع احترامي لك مع وين تفهم ؟؟ انا ما قلت ان كاكا بدع مباراة دورتموند ،، قصدي فيها واضح ،، قصدي فيها انه قدر يسوي شي ،، واللي سواه موب (((( عك ))) الكلمه اللي ياكثر ماقريتها بعد اي نزول مستوى لاي لاعب

وبعدين ماشالله خليت بايل موجود من الحين ،، الى الان انا كلامي على التكشيله الموجوده ،، عندي ايسكو - اوزيل - كاكا ،، موسم طول وعرض اكيد ابحتاج 3 لاعبين ،، وغير كذا ايسكو - اوزيل ممكن يلعبون على الاطراف

واخر شي بقوله ،، اللي بالاحمر محدده ،، انت الحين يقالك تسال ،، ياحبيبي انا مجاوبك قبل لا تسال ،، ايه يلعب ضد اندية من جمبها ،، مسلكين له مباراة كاس البرنابيو !!! ولا مبارايات الكاس !!!! ولا ضد سرقسطة وطقتها ،، هذي تسميها اندية ؟؟؟ اترك لك الجواب على قولتك

المهم ياحبيب قلبي ،، انت مو مقتنع ب كاكا وانا مقتنع فيه بس بالاخير لا انا ولا انت اللي نحدد ،، انشيلوتي حاليا ادرا مني ومنك ،، وما اتوقع انك بعد بتصير افهم من انشيلوتي

وسلام عليكم