,,


في البداية , صراحه فرحت لما شفت الموضوع رجع فوق من جديد , هذا دليل على ان فيه ناس تهتم ,,

اما بخصوص ردودكم ي امير وباكي .. راح الخصه بهالسطور القادمه وان شاء الله تكون كافيه وان شاء الله ماتكون اطول من اللازم وممله

طبعا مجمل كلامك عن الي يسجل ويسحب وياخذ مكان ..

نوضح نقطه بسيطه قبل لانخش بالعمق , وضع القسم قبل لا اجي انا ونكون صريحين يعني , مر بفتره سيئه جدا جدا جدا , وحتى تنعشه من جديد , لازم تبدا بداية جديده , لا بالعكس , تبدا بداية جديده يمكن افضل , الان لو تفتح منتدى جديد , الناس ممكن تتحمس معك تشوف وش عندك , تعطيك فرصه , لكن لو كانت سمعتك سيئه وتبي تنشل القسم من الي هو عليه , هذا المهمة المستحيله , لذلك حنا خلينا اسلوب التنفير والصرامه اخررر حل , لا عفوا مو اخر حل , الا شلناه من الحلول نهائياً , بعد مانواجه مشكله , نبتكر هذا الحل , حتى مايكون سهل الوصول اليه , لان اخر شي نبيه بالفتره السابقه هي التنفير والشده

لكن في البدايه خلنا نوضح البلاك ليست , البلاك ليست موجوده للاعضاء الي داخل يخرب فقط , مابراسه لعب لان عقوبتها مو سهله , حرمان مؤبد الا اذا نزل عفو ملكي
ف بحجم العقوبه لازم نقدر الاذى الحاصل من العضو حتى يتساوى الطرفين , ف اذا تساوى حجم الاذى الي حصل للمنظم او للقسم او للبطولة نفسها , في هذي الحاله يوضع في البلاك ليست يعني الزبده , مساله البلاك ليست مساله تقديريه من قبل المشرفين , لان لو بنستخدم السوط نفرنا الجميع وبرضو لازم نغض عن بعض الاشياء ونتساهل حتى لو كانت مخالفه , ف اسلوب التنفير ماينفع كما ذكرت سابقاً لكن برضو في حالات تستلزم البلاك ليست , لكن اقدر اعطي قاعدة ثابته للمنظمين , الي ينسحب ويحوس الوضع عليك , خصوصا في المجموعات هذا بلاك ليست على طول

اما بخصوص الي يحجز مكان ويمشي ف بفيفا , ومن ملاحظتي الاخيره , ماقد وقف التسجيل على العدد , اقصد اذا كان فوق 32 , يعني ماقد شفت بطولة نزل التسجيل وقال 32 ووقف ع 32 الا يمكن مره او مرتين راحت عن بالي هذا اذا حصلت , ف الي يسجل ويسحب ما اتوقع انه اخذ مكان غيره , لان مافيه غيره اساساً !
وحتى لو فرضنا كان فيه اقبال كبير ع البطولة , غالبا يؤخذ اخر اثنين او ثلاثه احتياط بحيث لو سحب واحد منهم


اما بخصوص نقطة تخصيص المشاركات , هذا حل استبعدناه استبعاد نهائي , لسبب وحيد , الان حنا نعمل على حملات كبيره وكان لنا اتفاقيه مع البوابه واعلانات وزحمه , وفي الاخير نقول ابو 150 مشاركه لاتشارك؟ هذا تناقض في سياستنا ,


ف الحل وطبعا هالحلول والمشاكل مو انا الي ابتكرها , تكون لنا جلسات طويييييله واجتماعات انا وباسل والاخوان في فريق التطوير , عندنا اجتماع يومي الا كل ساعه , الا كل وقت موجودين مع بعض , اي مشكله اي استفسار ندرسه كلنا قبل نصدر القرار


لذلك طلعنا بسياسة وهي حتى الان ومن خلال مانشوف من نتائج هي ناجحه , هي تساهيل تساهيل عطهم الحريه , خلهم ياخذون راحتهم , , لاتشد عليهم , لان في النهاية هذا قسمهم والقسم اساساً ترفيهي , فغض عن بعض الهفاوات , لاتشدد , لكن في نفس الوقت ماناصل الى مرحلة "ترك الحبل على الغارب" , واذا لاحظنا ان فيه عضو يستغل هذي السياسة استغلال خاطئ وقفناه عند حده

وبرضو مازلنا نعمل على التطوير , صحيح وصلنا لمرحلة متقدمه من الزوار والمشاركين في القسم , لكن نطمح لاعلى من هذا الشيء بالتاكيد , وهالشي مايتم الا بتعاونكم ومساعدتكم لتطوير قسمكم


في الختام سعدت جدا جدا جدا بمشاركاتكم واقتراحاتكم