إقتباس الرسالة الأصلية كتبت بواسطة 5willd - ألسلأم عليكم ورحمة الله وبركآته , روني وقصصصصصصته كآمله بسردها لكم بعد ماجمعت كل المعلومات الي قدرت اجمعها وزيادة عليها بعض توقعاتي الي اشوفها من وجهة نظري واقعيه روني وطلب الانتقال , بعد نهاية الموسم سألو السير عن روني وقال روني لاعب ممتاز ونحتاجه بالفريق وسألوه عن قصة انتقاله , وقال صحيح روني طلب الانتقال مننا ولكن رفضنا وحنا نبيه يجلس , هذآ اولا , من بعدها روني كتب تغريده عن انتقاله وقال فيها بالحرف الواحد ( كل ما يقال عن انتقالي هو هراء ) , والناس محتاره من تصدق السير ولا روني . . والحين روني ماعنده مشكله يجلس , وهو يقول اصلا انا ماقدمت طلب انتقال من الفريق ومستعد يجدد , بشرط ان الفريق يصدر بيان يوضح فيه ان روني ماطلب انتقال من النادي , لان الجمهور مولعها مع روني ومايبغونه يجلس لانه قدم طلب الانتقال مرتين خلال 4 مواسم , وصراحه انا كنت من ضمن الجمهور الي يطالبون بخروج روني , لكن انا ماني مقتنع ان روني قدم طلب انتقال بسبب حاجه وحده , روني في كتابه الاخير كتب فيه ( اكبر غلط في حياتي هو طلبي الانتقال من مانشستر يونايتد ) يعني الرجل يبي يجلس , لكن النادي الحين بين نارين , اما انه يصدر بيان ويعلن ان روني ماطلب الخروج من النادي , وبكذا يطلع السير فيرغسون قدام الاعلام انه كذاب ونشوه صورة السير , او ان النادي يرفض اصدار البيان ولكن روني يخرج من النادي , لان فيه صحفي يقول ان روني مشترط علشان يجدد مع النادي هو انهم يصدرون اعتذار له , واذا ما اعتذرو راح يخرج من النادي , فـ من وجهة نظركم وش الحل في هذي المعضله : = ( روني ولا السير ؟

ما ادري احس فيه جزء ناقص في الموضوع بين السير وروني
انا بعد كنت من ضمن الجماهير اللي طالبت روني يطس عقب ماصرح السير انه يبي يروح
لكن في الاخير نتفاجأ ان روني ما كانت رغبته يطلع الزبده انا ما الوم روني بطلبه لاننا سمعنا صافرات استهجان من الجمهور ضد روني يوم التتويج
والفريق محتاج روني لذلك اتمنى النادي يحل هالمشكله وتنتهي ببقاء روني