لازااالت ادارة بن مساااعد تستغفل المشجع الهلااالي وكل سنة عذر .. كنا راح نتعاقد مع لاعبين مميزين ولكن تسريب المفاوضات عطل الصفقات ... باللهي عطوني اي فريق في العالم يقول هالاعذار
والعام يقولو البيئه السعودية غير صالحة للاعبين الاجانب
سياسة تقشف واستثمااار واااضحه ... بن مساعد .. النادي ليس من املاكك
واللاعبين اللذين اتيت بهم الكوري والطقة اللي معاه .. مو مسؤليتنا انك خسرت فيهم
قبلك رؤساء خسروا الملايين واتو بمحترفين افضل الى ان ابتعدو عن كرسي الرئاسة
امما انك تفرض علينا لاعبين اكثر من نصف الموسم جالسين احتياط ... هذي ماسواها حتى الحاقد على النادي ... يااخي مسألة انك تقول رئاسة النادي مرهقه ماديا .. ياخي استقيل محد جابرك تخسر واعتقد الشهره وحصلت عليها وبزيادة بعد
كل الاندية تتعاقد مع محترفين كبار ومحد جاب اعذار تسريب مفاوضات والبيئه والخرابيط ... احترم عقولنا واحترم المنصب اللي انت فيه
ماذا فعلت بعد كارثة اولسان والاتحاد والخويا اسيويا .. ومحليا الموسم هذا
لااااااااااااااااشيء ... بربك ... اي عاشق للزعيم يرضى بما حصل .. مابالك بربّان هالمركب
تولي سامي تدريب الفريق ليس لك اي فضل فيه .. سامي هو من ضحى وصنع نفسه وغامر بقبول التدريب بعد البربسه اللي صارت تحت قيادتك ووفر عليك مبلغ التعاقد مع مدرب كبير

خلاصة الكلام واعتقد اغلب الجمهور الواعي يتفق معي
اما 4 محترفين اجانب كبار .. او التنحي عن الرئاسه وتركها لرئيسٍ قادم طمووح وعاشق لهذا الكيان ... ياخي كلنا نعرف اعضاء شرفنا الكبار .. ماعمرهم غصبوا رئيس على الاستقاله ... الله يهديهم دائما المجامله طبعهم ... يعني لو استقلت لاتخاف راح يجي من يتولى الرئاسه ... احنا اللي خايفين على ارهاق معاليكم المادي كما تزعمون

اكتب هذا الموضوع بحرقه وانا اشاهد زعيمنا يعاني كل موسم من اخطاء بدائيه ومخططات استثمارية اضرت بالفريق واساءت لسمعة الزعيم اسيويا حتى بلغت حد الاستهزاء من مدربي فرق القاره من تواضع هذا الفريق ذو التاريخ العريق اسيويا

اترك القلم للعضو المميز وافضل كاتب وعاشق لهذا النادي منذ انضمامي لهذا المنتدى العملاااق .. الظــــــــــــــــــــــــاهره
متمنيا ان ارى رايه فيما يحصل من ضحك على الدقون في موضوع الاجانب من تسريب مفاوضات وبيئه غير مناسبه وغيرها من الهرطقات الموسميه