إقتباس الرسالة الأصلية كتبت بواسطة محـآل..! السلام عليكم الريآل هالصيف مبهم جداً بالخطط الي بينفذهآ وأولهآ المدرب مع ان انشيلوتي قريب جداً الا ان الامور لازالت كمآ هي كوينتراو اكبر الكوآرث اذا خرج لاعب من أفضل الاعبين بالظهير الايسر كيف تفرط فيه يآبيريز..؟

وعليكم السلام

هو هذي بتصير كارثه زي ما قلت ،، لان مارسيلو بصراحة وضعه ما يطمن ،، مو من ناحية المستوى ،، قصدي من ناحية الاصابات والجاهزيه ،، ولو طلع كوانتيراو " لا سمح الله " بيكون ناتشو بديل لمارسيلو واربيلوا بديل حق كارفخال ،، بس المشكله ان البدائل لك عليهم بس ممكن اذا جا بايل يصير يلعب ظهير ،، على انها صعبه لان له فتره وهو مغير مركزه وادواره الدفاعيه من جمبها ،، بس يمشي الحال

الريال ما راح يبيع كوانتيراو الا في حالتين

الحاله الاولى اذا توتنهام اصرر على المبلغ واللي هو 90 مليون اتوقع ،، لان بكذا صعبه تقدر تغطي تكلفة بايل + تكاليف الانتدابات الثانيه.

والحاله الثانيه هي رغبة اللاعب في الخروج ،، واللي اتوقع انه هو يبي يطلع ،، لان في وحده من التصاريح قال انه ما لقى الدعم من النادي ،، وهو بصراحة معه حق في هذي ،، شوف وش سوا هذا الموسم من مستويات عاااااليه جدااا في اغلب مباراياته + راضي بالاحتياط وساكت ايام مارسيلو ،، ومع هذا ولا فيه احد اشااد فيه او مدحه ،، محد طق له خبر لا من اعلام ولا من ادارة اهتمت فيه ،، على عكس اوزيل او كريس او راموس او لوبيز او حتى مارسيلو (على ايامه) ،، كان الواحد منهم لو صنع هدف او قدم مباراة كويسه تلقى الاعلام انوااااع المدح فيه اليوم اللي بعده ،، وهذا الشي اللي يخلي الواحد ما يتطمن على وضع الفريق ككل ،، لان في الريال دايم ما يكون التركيز على لاعب او بعض اللاعبين بحد ذاتهم ،، وكل الانتصارات يرجعون فضلها لهم وهذا الشي يخلي بعض اللاعبين يجيهم احباط ويحسون ان جهدهم راح لغيرهم.

ممكن البعض يستغرب من كلامي ،، ويقول كيف تبيهم يعاملونه ،، انا اقولك كيف ،، اقل شي يسوون له تحسين بالعقد حقه ويرفعون راتبه لو شي بسيط ،، بكذا اللاعب بيشوف انه طلع بنتيجه من التعب اللي تعبه وبيصير يطمح للاكثر ،، طبعا انا كلامي مو بس على كوانتيراو ،، كلامي على كل لاعب يقدم موسم ممتاز وكانت له بصمته ،، وانا بالنسبه لي اشوف هذولي اللي لهم بصمتهم الموسم الماضي ( كريس - راموس - كوانتيراو - الونسو - فاران - لوبيز ) هذولي اللي صدق يستاهلون

على العموم ،، انا عندي احسااس كبيييير ان اللاعب بيطلع ،، والله يستر لا يطلع معه احد ثاني مهم ،، انا كل خوفي على مودريتش والله ،، خوفي ان مورينيو لعب في راسه قبل لا يطلع ما تدري بكرا الا و خبر انتقاله الى تشيلسي