الاخبار والاشاعات كثرة والله ،، بس الواضح والاكيد ان الريال يبي بايل باي طريقه ،، ولكن السعر اللي تطلبه ادارة توتنهام مبالغ فيه بزياااااااده ،، وش اللي 90 او 100 مليون

تبي تجيب بايل بسعر معقول ،، لازم يكون فيه لاعب او لاعبين داخلين بالعقد ،، مثلا ،، كاكا + مبلغ (40-50) ،، غير كذا مافيه الا انك توسع جيبك

اذا الريال ناوي يدفع (70 مليون وفوق) على بايل ،، ف الصيف ما راح نشوف انتقالات حاميه ،، كارفخال - بايل - مهاجم ،، هذي الانتقالات اللي بتصير بالكثير ،، والمهاجم خوفي انه يصير مهاجم عادي ،، وممكن بعد ما يجي مهاجم ويقعد هيقوين كل هذا عشان بايل

صحيح لاعب كبير ،، بس والله انا ابدا مو مقتنع بالسعر ،، لان السعر مو بس بيضر الفريق من ناحية الانتدابات وخفض الميزانيه ،، لاا ،، السعر بيكون حتى ضغط كبير على بايل ،، بيكون مضغوط من الاعلام مثل ما كان كريس اول ما جا للريال ،، وبيكون مضغوط من الجمهور حتى ،، فالسعر المبالغ فيه ما راح يفيدنا ابدااااا على كثر ما انه ممكن يضرنا ،، وحتى باقي الانديه اللي الريال بتتفاوض معها بتصير تطمع وتطالب بمبالغ خرافيه

عشان كذا ،، اذا ادارة توتنهام بتطول السالفه وراسها يابس ،، ف ياليت لو ادارة الريال تلتفت للاعبين غير بايل باسعار اقل وبدون اي تعقيد

بعد صفقة كارفخال ،، صار الدفاع كامل ان شالله ومافيه نقص ،، بس الحين ناقصنا لاعب بديل ل الونسو - بديل اوزيل - مهاجم ،، 3 لاعبين ،، انا لو مكان بيريز اخلص صفقة ايسكو وسواريز على الاقل لانها اسهل من بايل ،، بكذا تضمن لك لاعب مكان (اوزيل - دي ماريا) اللي هو ايسكو ،، وبتضمن لك مهاجم ،، وبعدين عاد تفضى ل بايل وروق عليه

وحتى سواريز نقدر نجيبه باقل سعر ،، تبادل مهاجمين ،، عطهم هيقوين وزياده 10 مليون وخذ سواريز ،، وايسكو ممكن تدخل كاليخون بالصفقه وتاخذه بسعر كويس بعد

انا بس اتمنى من الادارة تستعجل وتجيب لاعبين على الاقل الفتره هذي ،، ماودي نبدا استعدادات الا والفريق جااااهز ومافيه اي نقص ،، مانبي حوسة الموسم الماضي

عاد الصيف هذا لا بطولات ولا شي ،، اللاعبين بيكونون مروقين ومرتاحين ،، مايجي بداية الموسم الا وهم في اعز استعدادهم ولياقتهم.