تشكر على موضوعك بالصميم

أحس مالك حق فيه نجوم بالفريق لايمكن تفرط فيها الإدارة لمستوياتهم المتطورة والرائعه ولو تعلم بالعروض اللي تجييهم من شتى أقطار العالم كان ماكتبت ذا الموضوع

ماجد المرشدي و حسن خيرات و عبداللطيف الغنام و عبدالله الزوري وسلطان البيشي لو مارجع لبداية مستواة و محمد نامي

أستغرب تمسك الإدارة بهؤلاء اللاعبيين 3 & 4 مواسم والمستوى من سيء لأسواء ونكباتهم تزيد

وإن كان على الإستقطابات المحليه مالك حق عزيزي تزعل جابوا سعد الحارثي و يوسف السالم << اللهم لا نسألك رد القضاء ولكن نسألك اللطف فيه بذالمنتهيين

وبعدين سبق لسمو الأمير عبدالرحمن طلع أكثر من 10 مرات وقالها مافيه نادي يبغى يفرط بلاعبيينه لا تطالبون بلاعبيين محليين ممتازيين

وسبحان ما أدري كيف يفرط بهوساوي والفريدي والبرقان وغيرهم من اللاعبيين !!

وكأني أنتبهت لخط الدفاع الأهلاوي كامل جاي من برا الفريق كامل المر وكامل الموسى وأسامة هوساوي وعقيل بالغيث

اللي يبغى لاعب محلي يهز جيبه لا أقل ولا أكثر وفيه اللي يطلع من فريقة بس وين اللي يدفع

حسن معاذ بالفم المليان قال أبغى الهلال وغيرة من اللاعبيين اللي الهلال بحاجتهم لكن إذن من طين وأخرى من عجين

إدارتنا توجهها واضح جدا الملايين حلال وهنا وعافيه على قلب الأجنبي أمثال :

هاسيك ودول وليكنز وكومبوارية والعربي وهرماش وأحمد علي وسول وايمانا ومانقان ورباعي هالموسم وغيرة وغيرة

أما اللاعب المحلي بنظر الإدارة أنه مايستاهل ومبالغ فيه !!!

على عيني وراسي أنه مبالغ فيه نوعا ما لكن طالما فيه الأنديه اللي بتدفعلهم أدفع وأمسك اللي عندك ماعاد نبغى من برا !!!!

بشطح وأبشكر الأمير بندر بن محمد على مايقدم لهذا الكيان بخدمة الفئات السنية اللي ياما طلعت نجوم وبتستمر بعون الله

نواف العابد عبدالعزيز الدوسري سلمان الفرج سلمان المؤشر أحمد الفريدي سالم الدوسري محمد القرني عبدالله السديري فهد الجهني وشافي الدوسري وغيرهم


ومستبشر خير من ألتفافة الأمير بندر بن محمد و الأمير أحمد بن سلطان حول الإدارة

وإعطاء سامي الجابر الأمور الفنية بس ياليت يوفون له بكل ما يطلبه ومع سامي هلالنا غير وكلي ثقه بأن الله بيعوضنا خير