‫أنشودة / يايُمه منتهي جيتك ، للمنشد : خير الله الرشيدي‬‎ - YouTube

يا يمّـهـ .. منتهي جيتكـ وطالب منكـ الغفران ..
أقبـّـل قاعة أقدامكـ واغسلها بدمعاتي ..

يا يمّـهـ .. كل مافيني ينادي لكـ أنا ندمان ..
طلبتكـ ! قولي سامحتكـ وردي لوجهي بسماتي ..

أنا أدري قلبكـ الطيب كسرتهـ بصدمة النكران ..
غلطت .. وغلطتي هذي تعير كل غلطاتي ..

تشوفي الشيبيا يمّـهـ ترى ماجا وأنا فرحان ..
وربي إللي رفع ذاتكـ ونزّل للردى ذاتي ..

فقدت الراحة من بعدكـ .. فقدت الطيبهـ والتحنان ..
بدونكـ .. راحتي غاية بدينكـ هذي راحاتي ..

أنا بعدكـ ولا حاجة أنا بعدكـ ترى عميان ..
أشوف .. ولا أشوف إللي يوريني مساواتي ..

أنا وسيد الشّـقى والهم من بعدكـ غدينا أخوان ..
يجيب هموم هالعالم .. ويرميها بمتاهاتي ..

صِدقتي .. يوم قلتيلي تدين اليوم بس تندان ..
رميتكـ في بداياتي .. ورموني في نهاياتي ..

أنا من شالكـ بيده ورماكـ بأسفل البركان ..
نخيتيني .. وطلبتيني .. ولا حصلتي نخواتي ..

مثل ماهنتي بعيوني .. عليهم قلبي يمّـهـ هان ..
رموني وضعتهم فزعهـ .. وأنا الدمعات فزعاتي ..

يا يمّـهـ لا تظنيني أنا من فعلهم زعلان؟ ..
سواتٍ فيكـ سويتهـ وسوّو فيني سواتي ..

يا يمّـهـ .. يالله ظميني ودفيني بهالأحضان ..
أنا أدري فيكـ مشتاقهـ .. وهمكـ بس ملاقاتي ..

يا يمّـهـ (حيييييييل) ضميني أبي أرتاح أنا تعبان ..
تعبت أهرب من ذنوبي ابيكـ آخر مسافاتي ..

أبسمع منكـ أي كلمهـ .. لصوتكـ مسمعي ولهان ..
أبسمع (يمّــهـ) بصوتكـ أبذكر فيها نشواتي ..

أشوفكـ ساكتهـ يمّـهـ ؟!!.. غفيتي ولا أنا غلطان؟ ..
غفيتي يا بعد عمري؟.. تعبتي من مواساتي؟ ..

يا يمّـهـ طالبكـ قومي .. إذا لي في عيونكـ شان ..
أشوف الموت بعيونكـ .. عساها تخيب هقواتي ..

تعالوا يا بشر شوفوا أنا محتار .. أنا تلفان ..
أنا أمّي مدري وش فيها .. أنا مدري أنا أحاتي ..

شنو ؟؟ أمّي أنا ماتت ! لا لا لا..ترى غلطان!! ..
أنا أمّي ما تخليني على حزني ووناتي ..

أنا أمّي قلبها طيب ولا يمكن تبكي إنسان ..
أنا أمّي ما تبكيني .. ولا تتمنى آهاتي ..

يا يمّـهـ صح ما متي؟ .. وصح الموت لا ماحان؟ ..
إذا متي أنا بعدكـ أبقضي وين ساعاتي ؟..

يا يمّـه قومي يا يمّـهـ .. وقولي الموت لا ما كان ..
أنا جتيكـ وأنا ناوي أببدي فيكـ جناتي ..

تركتيني ومتي ليـهـ؟؟ تركتيني وأنا غرقان؟ ..
ولا مسموح يا وليدي!! .. ولا تلعنكـ لعناتي!! ..

أنا الجاني .. وأنا المجني .. وأنا المخطي .. وأنا الندمان ..
وأنا بإيدي رميتكـ إيهـ .. وبعثرت أهم ملفاتي ..

وجيت من الهنا مفلس .. وقلبي من الضنا خسران ..
تركتيني على ناري أعدد فيكـ زلاتي ..

ولاني مرضيٍ ربي .. ولاني تابع الشيطان ..
أنا بعدكـ ترى مابين نهاياتي وبداياتي ..

يا يمّـهـ منتهي جيتكـ وكلي مرتجي غفران ..
وشفت الناس تلعني .. وتحذرني من الآتي..