إقتباس الرسالة الأصلية كتبت بواسطة alasmraany اولا السلام عليكم ثانيا انا اتحادي ( للمره الترليون ) ثالثا: ما ادري كاتبا لموضوع فاهم الموضوع الللي كاتبه او لا ؟ الإحلال وحسب كلامه تغير 80 بالمية من جلد الفريق بس في نقطه الاخ ما فهمها صح الإحلال معناه ( تغيير ) يعني مو شرط تصعد تغير جلد الفريق يعني لما يعطيك مثال الاتحاد ليه يكش جلدك ياخي سبقنا في الاحلال الأهلي والشباب سبقونا في الاحلال وعـآدي جدا لكن لما يجيبون لك طاري الاتحاد يكش جلدك وتشمر وتنادي ( جيب العجرا يا ولد ) ترى شي ماهو منطقي الإحلال اللي صار في الاتحاد طير ( منتشري ونور وتكر وهزازي ومبروك ومشعل السعيد ) ما ادري تدري وش معنى هالاسماء ( خط دفاع كامل + احد اكثر عناصر الفريق اهميه وقلب الوسط النابظ والحارس الاساسي ) وتجي تقول ما فيه احلال وتجي تقلل من اللاعبين اللي اضيفو للفريق تعال احسب معي الاسماء عبدالرحمن الغامدي عبدالفتاح عسيري هتان باهبري طلال العبسي محمد قاسم منصور شراحيلي محمد العمري فواز القرني فواز الخيبري بالاضافه لفهد المولد واحمد عسيري وباقي لاعبين روق وبتشوفهم الموسم الجاي تخيل انك تحول متوسط اعمار لاعبين فريقك من 30 سنوه لـ 23 سنه هذا وش اسمه .. كيرم ؟ اما الاخ ثائر الهميجان بالله عليك ... الاحلال هو التغيير تجي وتقول اكبر لاعب الشلهوب وتقارن بكريري ولو بتقارن الشلهوب بكريري ياليت تشوف ان كريري اكبر من النجم محمد الشلهوب ومستواه ثابت من 2005 لكن محمد الشلهوب الله يحفظه مستواه متذبذب لدرجة ان جماهير الهلال تطالب باعتزاله فلا تقارن لكن الاحلال هو حالة تحتاج لدراسه متقنة صعبه اجي واجيب لي فريق كله شباب صغار واقول لهم اختارو قائدكم من بينكم فالاحلال يعتبر خطة مدروسه فالفريق الحالي إن تيقنتم انه تم احلاله فالخطوة كانت صحيحه ومدروسه مما يقتل انتقادكم الغير مبرر للعملية . اما إن لم تتيقنو بالعملية فأعلمو ان فريق ( في نظركم ) فاشل غير منظم أطاح بفريقكم و وقضى على فريقكم في مبارتين عالعموم طفو النور وناموآ الاتحاد حاليا يقدم جيل للكرة السعودية

وعليكم السلام ورحمة الله وبركاته
اهدا يا بوسمرا والحكم في المنتدى ماهو خليل جلال لاتنبرش وعجراويكش جلدك وطفى النور مصطلحات مااعتدنا عليها في المنتدى بين الزملاء
لاعبي الهلال تحت سن الثلاثين غير الشلهوب وياسرماخالفنا الحقيقه
وتقارن الشلهوب الى وصل بالهلال الى دور ال16 باسيا وحسم كاس ولى العهد وساهم في احتفاظ الهلال لكاس ولى العهد مرتين وساهم في المركز الثاني بالدورى لول اخطاء التحكيم اخذنا الدورى وتقارنه بسعود كريري الى ربنا سلم الشلهوب من دعسته على مفصله
اذا كان هذا انجاز الشلهوب وهو متذبذب على قولتك اجل كيف اذا ارتاح من الارهاق وش بيعمل ؟
فرحان يمستوى كريري الى اوصلك للمركز السابع بالدوري وخرج امام القادسية نادى دورى ركاء من كاس ولى العهد وللعام الثاني ممكن ماتشارك في اسياواذا كان هذا انجاز كريري للاتحاد وهو مستواه ثابت كيف اذا لعب به عامل السن والارهاق؟

الا اذا كان قصدك انه ساهم في ان الاتحاد لايهبط وبقى في المركز السابع هذا شي اخر

قلت خط دفاع كامل ومن من خمس سنوات الاتحاد بعيد عن بطولة الدوري يانمر وعشر سنوات ما اخذت اسيا وكاس ولى العهد انسى
وشبابكم الى قلت صغاركم , لايلعبون من البدايه كلهم احلال ينزلون احتياط لكن الاساسيين كريري واسامه وابو سبعان والمحترفين والطريدي ومختار فلاته والبقيه ينزلون بين فترات
لكن الهلال اساسييه العابد وسالم الدوسري والسديري والفرج والشهراني والقرني والدوسري الله يعافيه نبدى بهم المباراة قال 30 سنه المفترى

بعدين الى يكش من الهلال هو الشخص الى ارسل طائره خاصه تحمل كالون لايلعب مع الهلال اخترق العقل وتعدى كلامه انه ناوى يدمر الأهلي
الى يكش الى اخذ عبدالرحمن اليوسف والى تحايل على الدوخي واغرى عزيز وتسبب في انهائه من الرياضه ومثله العويران وحاول في التمياط ورد عليه عضوا الشرف الهلالي بكلام قوى وبعدها صمت الكاش
انتم تقتاتون على نجوم الهلال اخرهم الاحتياطى الى اعطيتوه الكبتنيه وقبله اخذتوا سيرجيوا وبهجت حتى المدرب يوردانسكوا من فتات الهلال لكن انتم مافيكم مطمع حتى نور تقدم للهلال ورفضناه هو شخص قديم اسمه النورموسى الله يرحمه وعاد للغربيه
الى يكش هو الى ما يلعب بالانبراش الى اذا اتى الحكم المحلي
وجدتم الهلال يعاني الارهاق والاصابات ولعبتم على اخطاء الحكم
والا قبل المباراة اول فوز للوحده في الدوري كان عليكم وهذا حدك والايام تعلمك اذا تساوت الفرص ستعرف ان الظروف والارهاق والترحال الهلالي كان هو السبب الذى ابعد الابطال الحقيقيين الفتح والهلال والاهلى ورغم الارهاق زحف لكم الشباب ولا اعتقد انه اخذ الوقت الكافى للراحه لكن من يدرى قد يستفيد من عامل ضعف لياقة الشياب الطريدي وكريري والمولد وامبابي والمحترف الاخر لان خمس مباريات كافيه عليهم في موسم

موعدكم الاربعاء يالحبيب وما يصح الا الصحيح نشاهد ونتمنى التوفيق للفريقين وسلامة اللاعبين اهم من الكاس وغيرها