إقتباس الرسالة الأصلية كتبت بواسطة war أخوي غازي بما انك مدرس على قولتك وعادي تقول بحاول افهمكم بسبب خبرتك 15 سنة بقول لك ,, انت تقرا اللي نكتب والا ترد بتعليق من ( باب الرد وبس ) اولا :ماطالبنا بزلاتكو الا لسبب انه مدرب المرحلة فقط يعني ويين بجيب واحد في نصف الدوري يكون احسن من زلاتكو وهو العارف بأمور الدوري و الفريق الهلالي على وجه الخصوص ثانيا : لو خيرت انا بين زلاتكو وسامي بأختار زلاتكو لسبب ان زلاتكو افضل من سامي عى الاقل في هذا الوقت ثالثا : أقول لا زلاتكو ينفع و لا سامي يفيد ....... نبي مدير فني بمواصفات عالمية وبما أني ( كوزميني ) حتى الثمالة ,,, مايملى عيوني الا شوفته بالدكة

طيب ليش ما تعطينا اياها على بلاطه دامك من جماهير كوزمين وتريحنا وتقول طالبو ب كوزمين , لانك تعتبر من جماهير المدرب الواحد مثل طقت جماهير جريتس

وفوق هذا فيك تناقض عجيب لا سامي عاجبك ولا زلاتكو عاجبك وش يعجبك انت

انا كذا احس انك من جماهير الجار اللي تجي وتدربي راسها ولا تدري وين هي فيه شغلها الشغال انها تخرب قسم جمهور الهلال وترحل

اخوي مكانك في منتدى الجار موب منتدى الزعيم شكلك داخل بالغلط

-----

نرجع لمحور الموضوع بخصوص سامي الجابر انا ما اشوف انه الوقت المناسب انه يدرب الهلال

سامي تجيبه بالوقت الحالي يدرب الاولمبي وتشوف مستواه في التدريب لكن تجيبه تقوله استلم الفريق الاول وهو ما عنده سي في وكان مساعد مدرب في اوكسير يعني موب مدرب اساسي ولا عمره درب نادي

صدقني لو فشل سامي انت اول من يطلب ب استقالته يا صاحب الموضوع لا توجدعاطفه في مجال الرياضه

حنا نحب سامي الجابر نحبه يوم كان لاعب ووقت ما صار مدير الكوره في الهلال لكن عشان نحبه نجيبه مدرب وهو ما طبق اللي تدربه على اي نادي قبل الهلال هذا ظلم لنادي كبير يملك اكبر قاعده جماهيريه في اسيا

لان فشل سامي راح يخلي الجماهير اللي تصوت له في المدرجات اه يا سامي هي اول من تقوله بالمدرجات يا سامي ارحل

ف عشان كذا الابقاء على زلاتكو هو الحل الانسب خاصه انه جاء في نصف الموسم وعرف مين اللاعب اللي لا يستحق ان يرتدي فنيله الهلال وانا اتوقع نجاحه بنسبه 90% اذا اعطي كافه الصلاحيات

تحيتي