المفروض يلغونها السنة هذي اذا الكلام صحيح وتنزل أول مايجيب النصر بطولة على طول!
,,
انا سبق اني كتبت عن بطولة كأس الملك وانها غلط,, وانها حاست علي الاندية الاجازات وضغطتهم في جدولة كأس آسيا وارهقت لاعبين وحتى في الحجوزات ارهاق وصعوبة
هذه بطولة مزيفة محشورة حشر ولا داعي لاقامتها ومرهقة وهي في الحقيقة بطولة اللي طول السنة ماجاب بطولة..
ولا يبدع فيها ويلعب من قلب الا الفرق اللي اخفقت طوال العام,, فهي كالبطولة التعويضية
فكرتها حسب فهمي هو كالتالي:
أول شي كل العالم ما عندها إلا دوري وكأس بشكل مجمل,, مع بعض الاستثناءات
لكن المعتبر في أي دولة هو بطل الدوري وبطل الكأس والباقي عادي
الدوري عندنا معروف وضعه ولا يحتاج توضيح
الكأس سالفته سالفة بحاول اختصرها
كان عندنا دوري وكأس ملك زماااااان من أيام صمدو والشلة
وكان فيه بشكل متقطع تقريبا كاس ولي العهد ولكن منتخبات مناطق! وتم ايقاف بطولة ولي العهد للمناطق بسبب ما في التسعينات هجريه
بعدين تم تغيير مسمى الدوري الى دوري خادم الحرمين الشريفين تقريبا بعد حرب الخليج!
قالوا طيب وش نسمي الكأس الحين؟ قالوا نخليه كأس ولي العهد وأصبح المسمى للكأس! وأحيوا الاسم بعد حوالي 15 سنة
وتجي شركة زين وتشتري اسم الدوري وصار دوري زين
قالوا طيب وش نسوي بمسمى الملك نرجعه للكاس؟,, قالوا لا لالا لو رجعناه وش نسوي بمسمى ولي العهد؟؟!
قالوا اجل احسن شي نسوي له بطولة لحاااله !!!
واعتقد هذا السبب اللي في البداية خلوا بطولة زين عبارة عن درع,, عشان ماتصير كلها كؤوس
لكن بطلوا !!
والصحيح هو في نظري والواجب ان تكون بطولة السوبر من مباراة واحدة في بداية الموسم تكون بين بطل الدوري العام اللي قبله وبطل الكأس العالم اللي قبله
تكون على أرض بطل الدوري وتلعب المبارة اول شيء ويفتتح الدوري بها!
او تكون اقامتها مرتبطه بمقر اقامة الملك جدة او الرياض
وتكون الاجواء في أوجها حارة بتشريف الملك لتسليم الكاس الشرفي النخبوي
وتدخل الفرق بقوة وحرارة للدوري بعدها فيُبدأ الدوري باحتفالية السوبر ويختتم باحتفالية بطولة الدوري
ويصبح اسم البطولة كأس السوبر او كأس الملك للسوبر(للنخبة)
وهذا اللي صاير عالمياً
واللي يثبت هالكلام,, ان كأس الملك للابطال هو في الحقيقة بطولة سوبر ,,لكنهم استبدلوا كلمة الابطال بالسوبر
ويشارك فيها بطل الدوري وبطل الكاس وايضا افضل الفرق في الدوري!
هيّه هيّه نفسها ..بس بدل ماتكون مباراة احتفالية شرفيه غالية يرعاها الملك ,, لا !,, مغّطوها تمغيط
ولذلك توقيتها في الموسم في الوقت بدل الضائع وتكثر فيها المشاكل والاصابات والنتائج الكبيرة
ولا يحققها في المعتاد فريق حقق الدوري و الكاس والسبب هو التشبع بالبطولات ,,
,,
,,
عندنا أزمة في المسميات! في كل شيء ,,
وتسمية البطولات عندنا والملاعب مثال بسيط
تلقى طريق الملك شارع ولي العهد مستشفى الملك مركز ولي العهد ملعب الملك كلية ولي العهد مطار الملك
مع ان الموضوع سهل جداً والاسامي يتم التعامل بها بشكل اكثر عفوية مثل اسماء الشهرة او اسماء المناطق او الاسماء التاريخية
ولذلك تجد اسماء لجهات كثيرة عندنا لا تُعرف حتى من قبل اجهزة الدولة الا باسمئها الحقيقية مثل مثلا شارع الامير محمد اسمه التحلية
مركز الاورام يطلع اسمه مركز الملك فهد للاورام
استاد الدرة اسمه استاد الملك فهد
ملعب الملز مسمينه ملعب الامير فيصل بن فهد
مطار الملك خالد يسمونه مطار الرياض!
مطار الملك عبدالعزيز يسمونه مطار جدة!
فيه شارع في جدة كان اسمه طريق ولي العهد ولما تولى الملك عبدالله الحكم تحول الشارع الى طريق الملك عبدالله!
ماتدري وش علاقه تغير الحاكم عندنا بطريق ولي العهد؟؟
هاللي غيّر اسم الشارع يا اما منافق يا غبي يحسب ان الشارع له علاقة بالسياسة!
ياخي خله على اسمه لا تغيره,,
يعني ماتقدر تسمي خمسمية مبنى كلها نفس الاسم! كيف تفرق بينها
الصحيح ان اسم فخري مثل مسمى الملك يكون للاشياء الفخرية او الشرفية او للواجهه مثلا قاعة الملك للمؤتمرات
جامعة الملك للطب
مدينة الملك للعلوم
مثلا مستشفى التخصصي فيه قاعة مؤتمرات واحتفالات فخمة يصير اسمها قاعة الملك عبدالعزيز للمؤتمرات مثلا
لكن الاماكن الخدمية والطرق العامة والشوارع لا تليق في رأيي
الوزارات ومنسوبيها وطريقتهم في التسمية سيئة وغير محكومة بنظره صحيحة لدرجة ان كلمة الملك او خادم الحرمين اطلقت على كل شي جديد
ونزعوا صفة الملكية من الاسم باغراق المؤسسات الخدمية بالمسمى,, يعني بدل مايكون الاسم مهيوب وله رنّه اذا ذُكر وعزيز عند الناس
صارت الاذن متعوده تسمعه في اي مكان لدرجة انه صار يستثني من الذكر ويكتفى بالباقي
بسبب بعض العقليات القديمة اللي تدار فيها الجهات
والمفروض انه مسمى يستخدم بعنايه اكثر
