مادري وش سوى الأمير عبدالرحمن للهلال
ثلاث مواسم ورا بعض أطقم مدربين ومساعدين ولاعبين أجانب ويسرحون بنص الموسم
وكل سنه نفس الأغلاط وعلى باله الأعتذار كافي يابيي أعتذارك بله وأشرب مويته وبدري عليك الخليجية والعربية مو عاد الآسيوية
راحت الآسيوية مع جيل العمالقه نواف وسامي والثنيان وابو اثنين والعويرانة والموينع وغيييييرهم عد وأغلط
والحين المرشدي وخيرات ونامي والزوري والبيشي والغنام والحارثي والسالم وتبغى آسيا
يا رجال قسم بجلال الله الخليجية ماتجيبة
ثلاث مرات فرق قطرية تمسكنا الباب شي لخويا وشي ام صلال
لا لاعبين أجانب صاحيين ولا مدربين صاحيين ولا لاعبيين محليين صاحيين
مادري يعني وش تحسون فيه وين الإنجاز ماني شايف شي غير محلية
والمحلية بلوها وأشربوا مويتها ماغير ولي العهد
هما كل زحمة ذالأندية ماعندك إلى هلال وإتحاد ولما ناموا أخذة الفتح أستحوا يا جمهور الهلال لاتطبلون للفشلة
وما نبغى رئيس مقتدر نبغى أحد عنده عقل إحترافي وش فايدة الفلوس على دلاخة
وراضي لو محمد الشلهوب رئيس بس فكونا من الأمير عبدالرحمن
وش فائدة أنه مقتدر ويدفع فلوس !! الفلوس صارت تضييع يمين ويسار مابين مدربين وطرد وشروط جزائيه ولاعبين أجانب
حتى عقد موبايلي صار ينصرف على دول وليكنز وكومبواريه وزالاتكو ومانقان وايمانا وسول والعربي وهرماش وأحمد علي و و و و و غيرهم كثير
يعني لا مدربين ولا لاعبين اجانب او محليين واعضاء إدارة ميتين وعلى رأسهم الجاسر اللي له أكثر من سنه يحارب جمهور الهلال
وبالأخير تقولي أطيب الموجود قووووووم قصدك مو راضي يعطي أحد فرصة وليته بأنتاجية
تسكتني
الهلال يا سادة رجاله كثر وحتى لما أخذ ابن مساعد الرئاسه كان فيه اثنين يتنافسوا معه
عندك الناقور أي أحد بس يروح ذا اللي له خمس مواسم من حفرة لدحديرة
المحلية حلوة ولنا ولا لغيرنا بس الأهم أنت لما تأخذ البطوله تاخذها باردة مبردة
وش الفرق اللي عندنا بالمحلية
ماعندنا إلى ياهلال يا إتحاد بإستثناء الأهلي صحي بسنه ورجع نام
وأكبر دليل السنه هذي لما نام الهلال والإتحاد أخذة الفتح وأخذك رايح جاي
أنا معك أخذنا 7 بطولات محلية ويمكن أنحرمنا من 3 بطولات بأخطاء تحكيمية وقرارت لجان
والمحيلة لو الفرق كلها قويه كان يمكن تشفع لكن شوفة عينك الطالح أكثر من الصالح بكثير
ومع أحترامي للهلاليين برغم البطولات المحليه هل أنتم مقتنعون بفريقكم
المرشدي وخيرات ونامي والزوري والبيشي والغنام والحارثي والسالم طموحكم ؟
نفسي تتفرجون على دكة بدلاء فريق كبير كالهلال بالسنتين أو الثلاثة الأخيرة سيئين وعمر الهلال ماكان كذا
وين الفلاسفه اللي يقولون تحكم على الفريق من دكة الإحتياط شف دكتنا وشلون صايرة وبرضوا يجيبون محلية
أدري أن الإعتذار من شيم العظماء اللي مافي زيهم
بس يا عزيزي كثرة الإعتذار قمه في السماجة
الإعتذار مو خذني جيتك الإعتذار يعني عمل جبار لتصحيح الأخطاء
أما يعتذر 2011 عشان طرد المدرب الفاشل واللاعبين الأجانب الفاشلين وهي غلطة سمو الأمير بدوري قبلت العذر وقلت بنستفيد من هالغلطة ودرس لنا
جانا 2012 وجرينا نفس الموال طرد المدرب واللاعبين الأجانب وإعتذار زي الطيبيين وبنصلح الأغلاط
وهذا 2013 كالعادة طردوا المدرب وجابو زلاتكو ولاعبين أجانب إحتياط أغلبهم وبالأخير مجرد إعتذار
عن نفسي أشوفة صار سماجة وضحك عالدقون أكثر من أنه مجرد إعتذار وشيم كبار
وعلى فكرة كل هالأجانب اللي ذكرتهم أنا أعدلك دبلهم فاشلين يعني بخمسة مواسم نطلع ب 5 & 6 لاعبين جيدين والله فضيحة مامرت ولا بتمر عالهلال
نيفيز و رادوي و ويلهامسون و لي بيونج
هذولا جائو بموسم واحد وكان موسم يشكر علية الأمير عبدالرحمن
كان موسم إستثنائي لاعبيين أجانب ومدرب من أروع مايكون وأضاؤو شمعة الشلهوب بعد إختفائة صار هداف
نيفيز مشى وعقدة باقي سحب عليك يمكن أستفادو من بيع العقد ولو أني أشك بهذه
رادوي طفشوة الفقراوية لاعبين وإدارة وإعلام وجمهور والريس بيتفرج إلين مشى
ويلهامسون مكسب للهلال لكن أستغربت إدارة الأمير عبدالرحمن تبيع عقدة وترجع تشترية !!
لا أحد يقولي إعارة أصحح له المعلومة راح للفريق القطري بيع عقد
وبيو بصراحة ريحنا من الطامات اللي كان معودنا عليها نامي أتوقع لو حطينا الدعيع مكان نامي ذيك السنه كان نجمه سطع
الكوري زين لكن مستوى ثابت صح مستواه كويس لكن التطوير أهم
وجريتس مايحتاج أذكرك باللي صار معاه مشي وإدارتنا حتى ما طالبت بالشرط الجزائي وأتحدى من يقول غير كذا
يعني الإدارة اللي جابتهم هيا نفس الإدارة اللي ضيعتهم
وخلال هالخمسة مواسم مالقيت غير الأربعة هذولا ماتحس أني أبلهم وأشرب مويتهم
طيب دول و ليكنز و كومبوارية و زلاتكو و مانقان و ايمانا و سول و العربي و أحمد علي و هرماش و وأوزيا و لوبيز و المحور الحالي والمهاجم الكوري و و و
وش وضعهم ..؟
وبالحلقة الأخيرة مطلوب من أعضاء الشرف يدعمون النادي
مايدعم النادي صاحي بظل التخبطات هذي
والأمير عبدالعزيز بن فهد وغيرة من رجال الهلال أبتعدوا أتوقع السبب الإدارة الفاشلة اللي أرهقت جيوبها الخاصة وجيوب أعضاء الشرف والرعاية والجماهير وغيرة
صارت تضيع على لاعبيين ومدربيين فشلة وبالأخير تبغى أعضاء الشرف يحطون |