نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - كلام قبل الزواج ..وكلام ثاني بعد الزواج ..وش ذا ؟!!!

سعودية كوووول · #1 22/05/2013, 10:52 AM

بسم الله الرحمن الرحيم
السلام عليكم ورحمة الله وبركاتهـ
صبحكم / مساكم اللهـ بالخير.. الحين في هالحظهـ فيوزاتي ضاربهـ بالحييييييل وودي أتهاوش مع أي أحد

لذلكـ قررت إني أكتب هالموضوع اللي فاقع كبدي وجايب لي الضغط والسكري ..

الموضوع جتني فكرتهـ أمس وقلت أشغل التيربوااا وأكتبهـ قبل ما تجيني حالة عجز ويصير مصيرهـ نفس المواضيع إللى من زمن جدي في بالي ..ولين الحين عندي حالة عجز أكتبها ...

اللي عندهـ السكري أنصحهـ بعدم الدخول لأني اليوم ناويا أكون ليبراليهـ ودكتاتوريهـ وكل شيء مع هالفيوزات الضاربهـ توقعوهـ ..

ياللهـ خلصت تمهيد لكم .. نبدأ الجد ..<<< اللهـ يستر ..

القصهـ يا طولين العمر بدأت من قبل كم يوم وبينما كنت قاط الأي باد والجوال بكوكب أقصد الغرفهـ وأنا طسيت لصالهـ أدرس البطيخ الـ 1 ESP ...<<< مطلعهـ روحي ذا المادهـ يا جعلهاااا الطالوع قولوا آميييين ..

المهم جتني وحدهـ من شلهـ الإنس أقصد وحدهـ من صديقاتي ..وقالت لي سعوديهـ إسمعي مشكلهـ بنت عمتي وإلقى لنا حل ..<<< فديتني حكيمة زماني ..

قابلوني لوما خربتها ..

لااا واللهـ ماني بخرابت بيوت ..

المهم بنت عمها عمانيهـ وتشتغل مدرسهـ ..إنخطبت رسمي في ثاني سنهـ لها فالجامعهـ وتزوجت بعدها بكم شهر .. وكان شرطها قبل الزواج إنها تكمل دراستها وتشتغل .. والرجال وافق وكل شيء صار أوكـ ع حسب الإتفاق .. وجابت تؤام وولد اللهـ يحفظهم .. وهي في آخر سنهـ بالجامعهـ .. وكملت تعليمها وإشتغلت مدرسهـ والحين عيالها عمرهـم تقريبا 4 و3 سنوات ..وجاء الرجال الحين وقالها إنثبري بالبيت ..وربي عيالكـ ..

..<<< يا جعلهـ الثابور ..

وطبعا هي عاندت ورفضت إنها تتركـ شغلها ...قام وهددها بإنهـ بيبع البيت إللى هم بانينهـ مع بعض .. بس البيت بإسمهـ والأرض أرضها من الأساس وبإسمها .. البنت خافت لا يسويها الرجال ويضيع تعب سنينهم ع الفاضي ..أهلها قالوا لها إما إنكـ تطلقين أو إنكـ تنثبرين بالبيت ..<<< هذي الحلول إللى قدموها لها ..:

وهي طبعا ما تبي تهدم بيتها بيدينها .. ولا تبي تضيع تعب عمرها كلهـ ع الفاضي ..

فصديقتي جتني وقالت لي تخيلي لو كنتي مكانها وش بسوين ؟!..
رديت وقلت : ياليتني متخرجهـ كان أنا مفتكهـ من الإنجليزي ومرتاحهـ الحين ...

..>>> أنا بكوكب والعالم بكوكب ثاني ..خخخخ
طبعا شغلي ماااا رح أتنازل عنهـ لو تنقز روحهـ نقز ... هذا اللي ناقص أتعب فوق الـ ١٦ سنهـ وصايرهـ مثل مصطفى وفي الآخير أنثبر بالبيت ..

ليش تخلوني أكمل دراستي وأتعب دامني بالأخير بنثبر بالبيت ..!!!
أما بخصوص البيت فبسيطهـ ... عطوا الفلوس لأي شخص موثق فيهـ من أصدقاء إخوانها يشتريهـ ... بعدين يسجلهـ بإسمهم ..<<< هذا وفيوزاتي ضاربهـ لقيت هالحل .. وشلون لو كانت معدلهـ .. عز اللهـ صرت خرابت بيوت ..

المهم بعد ذا كلهـ ..

أنا جايهـ أتكلم عن الشباب اللي يقلون كلام قبل الزواج .. ويرجعون ريوس بعد الزواج ..ليييش ؟..

ودي أفهم ليش ما يكونون عند كلمتهم؟..

ليش كل ما قمتوا وقعتوا قلتوا البنت مكانها البيت وتربية عيالها ؟!!..
ليش مب عيالكم إنتوا بعد ..

متى نقول للبنت إثبري في البيت؟ لما تكون البنت مقصر بحق بيتها وعيالها ..هنا نقول لها إنثبري بالبيت وربي عيالكـ أحسن ..!!!

أما وحدهـ موازنهـ بين بيتها وعملها ..هنا نقول لكم إسمحوا لنا ..ما لكم حق تحرمونها من عملها ..

لا يجيني أحد ويقولي إنكم معتمدات ع الخدامهـ ..لأني بأقول واللهـ أصابيعكم ما هي سوا ..( بتكلم هالمرهـ عن العمانيهـ هذي) .. هالعمانيهـ يوم تروح الشغل تقط عيالها عند جديتهم وترجع قبل موعد رجوع زوجها وتجهز كل شيء قبل جيتهـ ..>>> يعني الإعتماد ع الخدم مب عذر علشان تأخذونهـ حجهـ..إلقوا غيرها يالطيبين

المفروض إنهـ يلتزم بالإتفاق دامها مب مقصرهـ ..صح ولا أنا غلطانهـ ؟!!..

باللهـ عليكم درسنا وتعبتنا وضيعنا كل عمرنا بهالدراسهـ ..وركضنا ركض وراء هالدرجات ..علشان نأخذ الإمتياز ونرجع جزء من حق الوطن وأهلنا علينا .. وتجون بارد وبرد وتقولون إنثبروا بالبيت ؟!!... وين العدل يااا ناس ؟!!..

لا وتبوننا نتقبل الأمر بسهولهـ ولا نعترض ..

ترضون تشوفون تعب عمركم راح بمهب الريح بلمح البصر ..إذا رضيتوها بنرضاء ..

نرجع لمحور ارتكاز حديثنا أنا ما أقول كل الشباب بهالتفكير ولكن أقول الأغليبهـ ..

منطقياً الكلام هذا ما يقبلهـ العقل ..! كل يوم والثاني أسمع وحدهـ جايا تشتكي وحايرهـ بين بيتها وشغلها .. وإن إختارت شغلها ..تطلقت وقلتوا هي إللى هدمت بيتها بيدينها ..( مايحتاج أشرح وش يعني وحدهـ مطلقهـ في مجتمعنا

) ..وش ذا الظلم هو يخرب وهي تتحمل النتايج؟!..

لذلكـ رجاء إلتزمون بالإتفاق ولا تخربون بيوتكم بيدينكم ..وإللي أولهـ شرط أخرهـ نور ..

ياللهـ عاد خلص البينزين عندي ..

..<<< إحمدوا ربكم ولا كان ما خليتكم لين تضرب فيوزاتكم مثلي ..

اليوم فيوزاااتي ضاااربهـ بالحييييل وللحين أحس ودي أكتب موضوع ثاني ..

ياللهـ طسوااا ..برجع للكرف مرهـ ثانيهـ ..

لا تنسونا من دعواتكم ..<<< ع هالموضوع ما أعتقد بتدعون لنا إلا بتدعون علينا ..