[align=center]بسم الله الرحمن الرحيم[/align]

ببدا معاكم بموضوعي بدون فلسفه ، اشوف هالايام انقسمت جماهير الزعيم وطالت صرخاتها بين مؤيد لانتقال الدوخي وغير مؤيد والا سالفة القحطاني وقع او ماوقع تونا طلعنا من الدوخي دخلنا بمعمعة القحطاني يا شباب الهلال بحاجة لدعم معنوي اكبر من الدوخي والقحطاني ياهلاليون الي يلعب بالهلال كله بس الدوخي وين باقي اللاعبين وين راحوا والله شوي حطمناهم شوي هضمنا حقهم اللاعبين مقبلين على لعب مباراة ولا هي اي مباراة مبارة مصيرية مباراة حصاد الموسم واحنا قاعدين نقنع بعضنا على لاعب انتقل ولاعب نتمنى التعاقد معه فليذهب الدوخي غير مئسوف عليه والقحطاني مادرينا عنه عندنا هلالنا عندنا لعيبه يسوون القحطاني والدوخي ياناس باقي الاعبين ينتظرون منكم تفعيل ادوارهم رفع من معنوياتهم مانبي نكون جمهور واقف على لاعب ولاعبين وثلاثه هلالنا وجمهوره مايهزه ريح فيكف هالمره احس هزنا لاعب اعتقد ان النقاش طال بمواضيع احس انها تخدير لجمهور الزعيم الي دايم متفاعل مع لاعبيه ومحسود من كل الجماهير وادارات الانديه الاخرى الي يتمنون جمهور واعي جمهور كبير بعقله مثل جمهور الهلال اليوم يومكم ياجمهور وانسوا الدوخي والقحطاني ونلتفت لهلالنا ولاعيبة والموجودين كلهم فيهم الخير والبركه ممكن كلامي يزعل البعض او مايقنع البعض الاخر بس الي ابي اوصله لكل واحد ان تحديد مصير زعيمنا ببطولة الدوري باقي عليه ايام خلونا بالايام القادمه ندعم فيها الاعبين معنوياً وبالنسبة للتعاقدات اتوقع ادارة الامير محمد بن فيصل ماراح تقصر بحق اي لاعب يستاهل الزعيم .

اسف لو اطلت عليكم بس صدقوني كلامي نابع من حبي للكيان الازرق وحبي الابدي لكل عاشق للزعيم الهلالي .

تحياتي للجميع،،،،