إقتباس الرسالة الأصلية كتبت بواسطة ابومشاري الهلالي الجواب عندي وانا ابو هندي: الهلال ليس ضحية لأحد ولن يكون ضحيه الا لبعض الجمهور المتفاعلين مع غير الهلاليين الهلال بطل رغم كل شيء ولو غيره مرت به ظروفه من بداية الموسم كان الان خارج جميع المنافسات ونادي الاتحاد اكبر دليل لم نفقد الامل بالتاهل ولو انهزمنا ايضا فليست نهاية المطاف والقادم اجمل واللي لايصبر على فريقه لايشجع كرة القدم لانها تنبي نفس طويل وصبر

ياخي حنا جمهور الزعيم تعرف وش معنى هالشيء !!!
ياخي حنا مانقارن نادينا باي نادي ،،، حنا نقارنه بنفسه في السنوات اللي راحت
كانت الانديه تحسب لنا الف حساب قبل ما تلعب معنا ،، كنا مرعبين اسيا ﻻننا اسيادها
ياخي شيء يضيق الصدر والله ،، فريقنا صار مهزله قدام الانديه الضعيفه
صاروا المدربين يقولون في المؤتمرات الصحفيه عطينا فريق الهلال اكبر من حجمه !! ليه صاروا يقولون كذا ؟
ﻻننا سيئين في الاعداد و في اختيار الاجانب و الجهاز الفني و الاداري و كل شيء حتى المحليين سيئين
كلنا متفائلين بفوز الهلال في قطر ولكن لو بيلعبون مثل لعبهم في الذهاب
اتمنى يقولون لنا عشان ما نتحمس و نحرق اعصابنا على الفاضي ،، اتمنى يعرفون ان فيه جمهور وراهم
تتعب نفسيتهم و تحترق اعصابهم اذا شافوا زعيم اسيا بهالمستوى اللي مايليق باسمه